Përkundër që ka mbushur 39 vjet, Dani Alves përsëri u ftua në kombëtaren e Brazilit për Kupën e Botës.
Alves së bashku me kombëtaren e tij do të zbresin sot (e enjte) në fushë, ku përballë do ta kenë Serbinë.
Para kësaj ndeshje, foli ish-futbollisti i Barcelonës, i cili tha se ky Brazil është më i forti ndonjëherë, për kohën sa kishte luajtur ai.
“Brazili është gjithmonë favorit, nga tradita dhe historia, dy gjërat më të rëndësishme që duhet të kesh, sidomos në këtë kompeticion”, tha fillimisht Alves.
“Tani kemi ndërtuar një grup të fortë, i ekuilibruar në të gjitha repartet”, shtoi ish-futbollisti i Barcelonës.
“Unë kam 16 vite në kombëtare dhe ky është grupi dhe momenti jonë më i mirë”, ka thënë mes tjerash Dani Alves.
Brazili shihet si një ndër favoritët për të triumfuar në këtë Kampionat Botëror, duke pasur parasysh që në skuadër ka emra si: Neymar, Vinicius, Richarlison, Casemiro, etj.
Sa i përket Alves-it, ai deri më tani numëron 124 ndeshje zyrtare me kombëtaren e Brazilit, prej të cilave ka shënuar tetë gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
