Shqipëria

“Alpha Show”, nis super koncerti i Noizy-t


Ashtu siç edhe ishte paralajmëruar prej muajsh nga reperi i mirënjohur Noizy, ka nisur koncerti më i madh, që është organizuar ndonjëherë në Shqipëri, për muzikën HIP –HOP & RAP (Rhythm & Poetry).

I cilësuar si “Alpha Show”, ky organizim ka bërë së bashku këngëtarët më të njohur të Shqipërisë dhe Evropës.

Artistët e parë që  u ngjitën në skenën e “Alpha Show” ishin dy reperët Finem dhe Solo.

Pritet një super atmosferë nga artistët e tjerë që do të ngjiten në skenë, emra të konfirmuar tanimë shqiptarë dhe të huaj.

Në koncert do të marrin pjesë  Kida, MC Kresha, Lyrical Son, Ledri Vula, Elgit Doda, Dhurata Dora, Yll Limani, Gue, Ghali, Sfera Bbasta, Krept, Konan, Loredana.

Nga informacionet paraprake mësohet se janë shitur 18 mijë bileta.

Nga ana tjetër, vetëm disa çaste më parë me anë të një postimi në rrjete sociale, reperi ka treguar se është shumë nervoz.

Megjithatë ai jep mesazhin e duhur se është mirënjohës për të gjithë ata që kanë shkuar në koncert.

Po ashtu një surprizë tjetër mbetet edhe performanca e reperit Stresi, i cili njihet për ‘përplasjet’ me Noizy-n, ndonëse ka kohë që i kanë sheshuar diferencat.

Stresi – një orë para nisjes së koncertit – e cilësoi veten dhe si qershia mbi tortë, dhe la të kuptohet se do të performojë në mbyllje të tij.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore