Zëvendësministri i Punëve të Jashtme dhe Diasporës, Kreshnik Ahmeti, gjatë vizitës zyrtare në Ceki, është takuar me zëvendësministrin për Çështje Evropiane të Çekisë, Tomas Dub dhe kryetarin e Komisionit Parlamentar për Politikë të Jashtme, Mbrojtje dhe Siguri, z.Pavel Fischer me të cilët ka diskutuar për anëtarësimin e Kosovës në Këshillin e Evropës dhe Bashkimin Evropian.
“Në takim me Zëvendësministrin Dub, u diskutua për çështjet shumëpalëshe dhe proceset integruese të Republikës së Kosovës në organizata ndërkombëtare, me theks të veçantë në Këshillin e Evropës dhe Bashkimin Evropian”, thuhet në komunikatë për media.
Në njoftim theksohet se cështje e diskutimit ka qenë edhe siguria.
“Ndërsa në takim me Kryetarin Fischer, u diskutua për zhvillimet aktuale në rajonin tonë dhe progresin e Kosovës në vitet e fundit. Po ashtu, u diskutua edhe për çështje të sigurisë dhe mbrojtjes”.
Ahmeti thuhet se e falënderoi shtetin e Cekisë për mbështetjen e vazhdueshme të Çekisë ndaj Kosovës.
Kosova u mbështet nga shumica e deputetëve në Asamblenë e Parlamentare të Këshillit të Evropës për të kaluar fazën e parafundit drejt anëtarësimit në panteonin e kombeve të barabarta evropiane.
Megjithatë, rruga e vendit devoji krejt në fund, duke bërë që anëtarësimi në këtë organizatë të rëndësishme evropiane të shtyhet për të paktën një vit, nëse jo më shumë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Gonzato takim me kreun e KLSH-së: Institucioni, rol vendimtar antikorrupsional
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Dialogu vazhdon në fillim të korrikut, në nivel të kryenegociatorëve