Asociacioni i Gazetarëve të Kosovës (AGK), të mërkurën ka pranuar donacion nga organizata Free Press Unlimited – FPU me iniciativën dhe ndërmjetësimin e Zyrtares Ligjore të European Centre for Press and Media Freedom ECPMF.
Ky donacion përfshin mjete mbrojtëse për gazetarët që raportojnë në terren dhe në pjesët ku rrezikohet siguria e tyre fizike.
Lajmi është bërë i ditur përmes një komunikate për media nga AGK-ja.
“Pjesa e parë e këtij donacioni që përmban 14 jelekë antiplumb, 16 helmeta dhe 17 pako për ndihmë të parë, është pranuar sot nga Drejtorja Ekzekutive e AGK-së, Getoarbë Mulliqi Bojaj, dhe Zyrtarja Ligjore e ECPMF-së, Flutura Kusari. Teksa pritet që brenda muajit të arrijë edhe pjesa e dytë e këtyre mjeteve”, thuhet në njoftim.
Nga AGK-ja është thënë se do të nis shpërndarja e këtyre pajisjeve për mediumet.
“Shpërndarja e pajisjeve mbrojtëse për mediat do të bëhet duke marrë parasysh nivelet e rrezikut në vend”.
“Gjithashtu, Asociacioni i Gazetarëve të Kosovës në koordinim me ECPMF-në dhe FPU, do të bëjë shpërndarjen e jelekëve me mbishkrimin PRESS për mediat qendrore dhe lokale, të cilat raportojnë nga veriu i vendit”.
Sa herë që situata tensionet në Veri, për gazetarët krijohet ambient i pasigurt për raportimin e gazetarëve nga vendi i ngjarjes.
Për dallim nga situata e dhjetorit kur ishin vendosur barrikada në Veri për 17 ditë e ku u sulmuan 13 punëtorë të medias, gjendja e tensionet të fundit që nisen më 26 tregoi edhe për një realitet akoma më të ashpër për raportimin e gazetarëve nga Veriu.
Madje sulmet ndaj gazetarëve në Kosovë nga persona të maskuar, prejse kishte filluar tensionimi i situatës në Veri më 26 maj kishin qenë të shpeshta.
Për vetëm katër ditë në këtë pjesë u shënuan 20 sulme ndaj mediave sërish nga persona të maskuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
E ardhmja e kafes: Kokrra sintetike të krijuara në laborator
-
Krijohet një vaksinë me potencial për të mbrojtur kundër coronavirus-eve të ardhshëm
-
Kina ka hakeruar Ministrinë britanike të Mbrojtjes, raporton Sky News
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
