![](https://albanianpost.com/wp-content/uploads/2021/04/bik.jpg)
Bashkësia Islame e Kosovës, ka njoftuar se Agjërimi i Ramazanit për këtë vit fillon me datën 13 prill.
Përmes një postimi të publikuar në llogarinë zyrtare të Facebook, faqja zyrtare e BIK-ut, ka njoftuar ndjekësit e saj se Agjërimi i Ramazanit do të filloj këtë të martë.
“Kryesia e Bashkësisë Islame të Kosovës njofton besimtarët myslimanë dhe të gjithë opinionin e gjerë se Muaji i Madhëruar Ramazan fillon ditën e martë më 13 prill 2021”, është shkruar në statusin e publikuar.
Mes të tjerash, përmes kësaj faqeje zyrtare, janë uruar edhe të gjithë besimtarët e fesë myslimane për fillimin e Muajit të Ramazanit.
“Me rastin e fillimit të Muajit të Madhëruar të Ramazanit, Kryesia e BI-së, përgëzon besimtarët myslimanë në Kosovë, diasporë e trojet tona, duke u dëshiruar agjërim të lehtë, shtim të ibadetit dhe solidaritet me nevojtarët. Me fat Muaji i Madhëruar i Ramazanit, agjërim të lehtë dhe të pranuar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com