Agjenti i Martinez: Lautaro nuk do largohet nga Inter-i, është i lumtur në klub

Agjenti i sulmuesit të Inter-it, Lautaro Martinez, thotë se lojtari është i lumtur në klub dhe nuk po kërkon të largohet.

24-vjeçari, Lautaro, është lidhur me një kalim te Arsenal prej disa muajsh dhe spekulimet kanë sugjeruar se topçinjtë do të rrisin interesin e tyre gjatë verës.

Por përfaqësuesi i tij, Alejandro Camano, i tha Radio Colonia-s se nuk po nxitojnë për të gjetur një klub të ri argjentinasit.

“Ne nuk jemi të varur nga një transferim, ai është në Inter, është i lumtur, qyteti është i mrekullueshëm”, tha Camano.

“Ndonjëherë shtypi publikon gjëra për një transferim, por Lautaro po mendon për Inter-in, duke u dhënë njerëzve të Inter-it gëzim, duke u bërë kampionë dhe duke punuar për Kupën e Botës”, shtoi ai.

Megjithatë, Gazzetta dello Sport thotë se Inter-i nuk mund të ofrojë asnjë garancion se ata nuk do të jenë të hapur për një transferim nëse ofrohet një tarifë e përshtatshme.

Lautaro shënoi 17 gola në Serie A sezonin e kaluar kur Interi fitoi Scudetton, dhe tashmë ka shënuar edhe 19 të tjerë në përpjekjen e Nerazzurrëve për të mposhtu Milan-in drejt garës për titullin e Serie A.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.