Afganistani në ekran – pesë filmat më të mirë rreth konfliktit

Tensionet në Afganistan janë përshkallëzuar deri në atë pikë ku bota është e shqetësuar për të ardhmen e kombit të shkatërruar nga lufta dhe kureshtja e njerëzve për të ditur sa më shumë rreth historisë së këtij vendi është më e madhe se kurrë.

Pos leximit të librave dhe marrjes së informacionit përmes lajmeve “on line”, një nga idetë më të mira për tu informuar rreth Luftës së Afganistanit janë edhe filmat.

Ndryshe nga Vietnami, kur filmat e zakonshëm për luftën u krijuan rreth 10 vjet pas rënies së Saigon-it në 1975, filmat për Afganistan u vunë në prodhim relativisht shpejt, pak kohë pasi filloi lufta.

Albanian Post ju sjell një listë me filma të cilët do të duhej t’i shikonit për të mësuar detaje rreth luftës në Afganistan.

“The Outpost” – 2020

Filmi “The Outpost” rrëfen historinë e vërtetë të “Betejës së Kamdeshit” të zhvilluar në provincën Nuristan.

Rrethimi i talebanëve rezultoi në vdekjen e 8 ushtarëve amerikanë të vrarë – një nga më të shtrenjtë për forcat aleate në një aksion të vetëm gjatë konfliktit, ndërsa talebanët humbën rreth 150 kryengritës.

Ushtria amerikane kishte vendosur të gjejë bazën e talebanëve përmes një kalimi të ngushtë të rrethuar nga kodra tepër të pjerrëta nga të cilat talebanët lehtësisht mund të kontrollonin situatën.

Filmi ka skena të shumta të xhiruara gjatë natës, ndërsa në mes rolesh më të komentuara ani pse shumë i shkurtër, është ai i Orlando Bloom, i cili paraqitet si një komandant kampi.

Madje, Bloom mund të ketë pasur një ndjenjë të “deja vu”, ndërsa ka aktruar për “The Outpost”, pasi që roli ka një ngjashmëri me rolin e tij tjetër në filmin e dikurshëm “Black Hawk Down” të Ridley Scott (2001).

“Red Snow” – 2019

Kjo dramë kanadeze në shkallë të vogël ka një premisë interesante.

“Red Snow” është një film i shkruar dhe drejtuar nga Marie Clements dhe prodhuar nga Marie Clements, Lael McCall dhe Michelle Morris.

Filmi trajton histrinë e Gwich-it, një ushtrar i Ushtrisë Kanadeze dhe misionit të tij në Afganistan, ku u kap peng nga talebanët, ndërsa është i shkruar dhe drejtuar nga Marie Clements e prodhuar nga Marie Clements, Lael McCall dhe Michelle Morris.

Në film luan Asivak Koostachin në rolin e Dylan Nadazeau, një ushtar që shërbente në Ushtrinë Kanadeze gjatë Luftës në Afganistan, e i cili u kap nga talebanët.

“12 Strong” – 2018

Filmi “12 Strong” i Nicolai Fugslig trajton tematikën se si një ekip i vogël i “Beretave të Gjelbra” dërgohet në Afganistan menjëherë pas 11 shtatorit për ta ndihmuar udhëheqësin e “Aleancës Veriore”, Abdul Rashid Dostum në fushatën e tij kundër talebanëve.

Por, terreni i thyer afgan kërkonte përdorimin e kuajve, diçka që inteligjenca ushtarake amerikane me sa duket nuk e kishte marrë parasysh.

Filmi bazohet në librin “Horse Soldiers” të Doug Stanton, i cili tregon historinë e “Forcave Speciale” të “Ushtrisë Amerikane të dërguara në Afganistan menjëherë pas sulmeve të 11 Shtatorit”, ndërkohë që në film luajnë Chris Hemsworth, Michael Shannon, Michael Pena, Navid Negahban, Trevante Rhodes, Geoff Stults, Thad Luckinbill, William Fichtner e Rob Riggle.

“War Dogs” – 2016

Filmi “War Dogs” është një film amerikan i zhanrit komedi-krim i drejtuar nga Todd Phillips dhe i shkruar nga Phillips, Jason Smilovic dhe Stephen Chin, bazuar në një artikull të vitit 2011 të prestigjiozes “Rolling Stone”.

Ky prodhim kinematografik trajton hitorinë e dy tregtarësh të armëve, Efraim Diveroli dhe David Packouz, të cilët marrin një kontratë të Ushtrisë Amerikane për të furnizuar me municione “Ushtrinë Kombëtare Afgane” me një vlerë afërsisht prej 300 milionë dollarësh.

Në film luajnë Jonah Hill, Miles Teller, Ana de Armas dhe Bradley Cooper, të cilët gjithashtu ishin edhe bashkëprodhues.

“Lone Survivor” – 2013

I pari nga pesë bashkëpunimet e Mark Wahlberg deri më tani me regjisorin Peter Berg, “Lone Survivor”, përshkruan misionin e dështuar të “Navy SEAL” (Red Wings), i cili synonte të gjurmonte udhëheqësin talebanë Ahmad Shah.

Filmi përpiqet të tregojë ndjeshmëri me afganët, me disa të portretizuar si të gatshëm për të mposhtur ekipin, ndërsa të tjerët japin ndihmë – edhe pse është e qartë se ata nuk janë shumë të kënaqur me praninë e SHBA-së në vend.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.