Lajme

Adelina s’dëshmon për vrasjen e Triumf Rizajt, 6 prona garanci për lirimin e të akuzuarit Sekiraqa


Enver Sekiraqa, akuzohet se nxiti vrasjen e ish zyrtarit policor Triumf Riza në vitin 2007

Të enjten është mbajtur seanca gjyqësore në Gjykatën Themelore të Prishtinës në rastin ku Enver Sekiraqa, akuzohet se nxiti vrasjen e ish zyrtarit policor Triumf Riza në vitin 2007.

Në këtë seancë gjyqtari Agim Kuqi, kishte paralajmëruar dëshminë e këngëtares Adelina Ismajli e cila bashkë me dy motrat e saj Ema dhe Zanfina ishin ftuar për të dëshmuar nga Prokuroria.

Por, ato kanë munguar edhe pse sipas gjyqtarit i kishin pranuar ftesat.

Ndërsa avokatja e Enver Sekiraqës, Kosovare Kelmendi, ka kërkuar që i mbrojturi i saj të lirohet nga paraburgimi, duke ofruar 6 prona si garanci.

Avokatja Kosovare Kelemendi, kërkojë që i mbrojturi i saj Enver Sekiraqa, të lirohet nga paraburgimi për shkak që gjendjes së rënduar të babait të këtij të fundit.

/Albanianpost.com


Lajmet kryesore