Adele vazhdon të shpenzojë miliona në rinovimin e rezidencës së saj që e bleu nga Sylvester Stallone

Ajo bleu pronën e madhe prej 58 milionë dollarësh në Beverly Hills dy vjet më parë me bashkëshortin e saj Rich Paul, e cila më parë ishte në pronësi të Sylvester Stallone.

Por, këngëtarja Adele ende nuk është zhvendosur në “shtëpinë e saj të përhershme” pavarësisht se ka shpenzuar miliona të tjera për rinovimin e rezidencës.

Këngëtarja e ka zgjeruar shtëpinë prej 18 mijë e 587 metrash katrorë, e cila tashmë kishte tetë dhoma gjumi dhe 12 banja, në mënyrë që të ndërtojë një garazh për pesë makina luksoze, shkruan DailyMail, transmeton AlbanianPost.

Ekipi i Adele, tha se ata po vendosin gjithashtu një “çati të ftohtë” në pronë për të përmbushur “specifikimet strikte të pronave në një zonë “shumë të lartë” të ashpërsisë së rrezikut nga zjarri.

“Kur Adele bleu shtëpinë, ajo nuk kishte ndërmend të ndryshonte shumë. Por ajo ka në bord një ekip ekspertësh të Hollivudit, të cilët sugjeruan ndryshimet strike”, tha një burim pranë artistes.

“Shtëpia do të jetë absolutisht gjigante deri në momentin që të ketë përfunduar. Por duket e pabesueshme dhe ajo mendon se ia vlen. Ajo dëshiron që ajo të jetë shtëpia e saj e përjetshme, me djalin e saj Angelo dhe partnerin Rich Paul, dhe ajo ëndërron të zgjerojë familjen e saj atje”, shtoi burimi,

Një pjesë kryesore e shtëpisë së tyre që ata nuk e kanë rinovuar është pishina e cila përmban statujën ikonike të Sylvester-it pranë pishinës së personazhit të tij të boksit Rocky.

Adele tashmë zotëronte tre shtëpi në një lagje të mbushur me yje të Beverly Hills përpara se të shtonte vendbanimin e dikurshëm të Sylvester në portofolin e saj të pronave në janar të vitit 2022.

Këngëtarja fituese e çmimit “Grammy”, e cila tashmë ndan djalin Angelo me ish-bashkëshortin Simon Konecki, zbuloi muajin e kaluar se dëshiron të zgjerojë familjen e saj.

Në skenë në rezidencën e saj në Vegas, Adele u tha fansave se shpreson të ketë një vajzë me Rich.

Ajo tha: “Pasi të mbaroj të gjitha detyrimet dhe të gjitha shfaqjet e mia, dua të kem një fëmijë”.

“Dua një vajzë sepse tashmë kam një djalë. Ndjej se ajo mund të jetë si personi që dua më shumë në botë, por gjithashtu ndoshta e urrej më shumë në botë – kjo është ajo që ndiej se do të ndodhë”, shtoi ajo.

Ylli i hitit “Rolling In The Deep” – e cila u martua fshehurazi me Rich-in në fund të vitit të kaluar – bëri shaka se e vogla do të përfundojë të jetë një “mbretëresha e vogël” për shkak të prindërve që do të ketë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.