“Beteja jonë nuk është shtypja e mediave. As instalimi i ndarjes e përçarjes mes njerëzve tanë”, ka thënë Lumir Abdixhiku.
Këto komente, Kryetari i Lidhjes Demokratike të Kosovës (LDK), i ka bërë përmes një postimi në Facebook, pas fushatës skandaloze të pushtetit, Lëvizjes Vetëvendosje, kundër mediave.
“Frustrimi popullor nuk është dhe s’ka qenë asnjëherë vlerë e popullit të Kosovës; prandaj përpjekjet e importuara për ngecje në urrejtje do t’i refuzojmë!”, shkroi Abdixhiku.
Kemi kohë pak, shtoi ai, “e aq shumë punë përpara!”
“Prandaj, pas çerdhes në Lipjan, vazhdojmë sot me punimet e mëdha në Qendrën Kryesore të Mjekësisë Familjare (QKMF) në Obiliq”, potencoi ai, duke promovuar punën e kryetarëve të komunave që udhëhiqen nga LDK-ja.
“Shtim i hapësirave, shtim i kapaciteteve, shtim i shërbimeve – në mënyrë që kjo QKMF të ofrojë kujdes modern shëndetësor për secilin banorë në këtë qytet!”, pohoi.
“Sepse kemi punë”, deklaroi, dhe shtoi “sepse Kosova ka aq shumë punë!”.
“Sepse e ardhmja e jo përçarja, bën preokupimin tonë!”, përfundoi.
Ndryshe, Asociacioni i Gazetarëve të Kosovës (AGK), por edhe shoqëria civile e personalitete publike, e kanë dënuar fushatën denigrueses të Lëvizjes Vetëvendosje (LVV), ndaj dy mediave online në vend: “Periskopit” dhe “Nacionales”.
Kjo pasi që eksponentë të lartë të pushtetit kanë shpërndarë një artikull të një mediumi boshnjak “Slobodna Bosna”, i cili është publikuar edhe në televizionin publik të Kosovës, në të cilën akuzohen këto media se janë nën “kontroll” të Serbisë dhe presidentit të saj Aleksandër Vuçiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel