Kryeministri i Malit të Zi, Dritan Abazoviç, ka pranuar ftesën e presidentit ukrainas, Volodymyr Zelensky, për të vizituar Kievin, njoftoi kryeministria malazeze.
Zelensky në një bisedë telefonike të zhvilluar ditë më parë e ftoi Abazoviçin për vizitë zyrtare në kryeqytetin ukrainas.
“Siç është lajmëruar, Kryeministri Abazoviç do të nis idenë e një vizite të përbashkët me kryeministrat e Ballkanit Perëndimor, veçanërisht të vendeve të NATO-s në rajon, në mënyrë që të dërgohet mesazh më i fortë dhe unik e mbështetës nga Ballkani Perëndimor për sovranitetin dhe integritetin territorial të Ukrainës”, tha zyra e kabinetit të Dritan Abazoviç, raportuan mediat malazeze.
Abazoviç i shprehu mbështetje të plotë Zelensky-t kundër agresionit rus, dhe i theksoi që që nga fillimi Mali i Zi e ka dënuar atë dhe është shprehur haptazi për integritetin territorial, sovranitetin dhe pavarësinë e Ukrainës.
Ukainasit po luftojnë jo vetëm për vendin e tyre por edhe për vlerat evropiane dhe vetë Bashkimin Evropian, ka thënë ai.
“Ne shpresojmë që Ukraina të merr statusin e vendit kandidat për BE, dhe Mali i Zi si lider në procesin e negociatave, është gati të ofrojë asistencën e nevojshme të ekspertizës dhe politikës”, ka thënë Abazoviç, raportoi mediumi malazez “AntenaM”.
Presidenti i Ukrainës, Volodymyr Zelensky, falënderoi kryeministrin Abazovic për mbështetjen e deritanishme të Malit të Zi ndaj Ukrainës, qëndrimin e saj parimor ndaj BE-së dhe marrëdhëniet e saj me Kombet e Bashkuara.
“Duke e njohur kryeministrin Abazoviç me situatën aktuale në Ukrainë, ai shprehu gatishmërinë për thellimin e bashkëpunimit dhe intensifikimin e marrëdhënieve personale. Në këtë kuptim, presidenti i Ukrainës, Volodymyr Zelensky, i dërgoi një ftesë kryeministrit të Malit të Zi, Abazoviç, që të vizitojë sa më shpejt kryeqytetin e Kievit”, thuhet në deklaratë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
