Deputeti i Aleancës për Ardhmërinë e Kosovës, Shemsedin Dreshaj në konferencë për media është shprehur se pensionet kontributdhënës duhet t’i gëzojnë të gjithë pensionistët.

“Kemi rast kur për një ditë ose për një javë individët e kanë humbur të drejtën e gëzimit të pensionit kontributdhënës. Kërkesë e jona është që të largohet ky kushtëzim jo-logjik, i dëmshëm e diskriminues për punëtorët e viteve 90’ta të cilët ishin larguar dhunshëm”.

Sipas tij, duhet të ndryshohet neni siç e quajti ai “diskriminues”, 8.2 i Ligjit për skemat pensionale.

Ai shtoi se shumë pensionistë e kanë humbur të drejtën e pensionit kontributdhënës për një ditë ose një javë si pasojë e tij.

“Nga viti i kaluar asnjë person i cili pensionohet nuk e plotëson kushtin që të del në pension kontributdhënës. Asnjëri nuk i ka 15 vite të plota që ta gëzojë këtë të drejtë”, ka thënë Dreshaj.

Edhe më herët Dreshaj, kishte bërë të ditur se partia e tij kishte dorëzuar nismën ligjore për plotësim-ndryshimin e Ligjit për Skemat Pensionale, e cila parasheh largimin e kriterit diskriminues, i cili kushtëzon pensionistët të kenë 15 vite përvojë para lutës së fundit në Kosovë, në mënyrë që ta gëzojnë pensionin kontributdhënës.

Ai kishte deklaruar se mosnjohja e stazhit të punës është një padrejtësi e madhe e shtetit të Kosovës që i është bërë pensionistëve, andaj kërkoi që këtë nisme legjislative ta përkrahin të gjithë, pavarësisht pozicionit.

Më shumë se 350 mijë qytetarë të Kosovës janë të përfshirë në skemat sociale dhe pensionale. Për këto kategori, brenda një viti, Qeveria e Kosovës nga buxheti ndan mbi 370 milionë euro.

Sarrazin Kosovës dhe Serbisë: Merrni shembull nga Gjermania

AAK-ja kërkon ndryshimin e Ligjit për skemat pensionale

Altina Marmullaku

Parashikimi i motit, 13 shtator 2022