Kortikosteroidet janë ilaçet më të forta të disponueshme për uljen e inflamacionit në trup.
Mjekët përshkruajnë kortikosteroide për të reduktuar inflamacionin. Steroidet anti-inflamatore mund të prekin sytë në mënyra të ndryshme. Si rregull i përgjithshëm, sa më gjatë t’i merrni ato ose sa më e lartë të jetë doza, aq më shumë ka të ngjarë që të shfaqen efekte anësore. Efektet anësore më të mëdha të mundshme në shëndetin e syve mund të jenë glaukoma dhe katarakti.
Faktoret e rrezikut
Disa njerëz mund të jenë më të ndjeshëm ndaj steroideve se të tjerët. Njerëzit që kanë më shumë gjasa të përjetojnë efekte anësore të syve ose të shikimit janë ata që: kanë diabet, glaukoma me kënd të hapur, kanë një histori të artritit reumatoid apo janë shumë dritëshkurtër.
Ata që janë më të ndjeshëm ndaj efekteve të steroideve në sy, janë fëmijët nën moshën 6 vjecare dhe të moshuarit.
Kohëzgjatja
Sa më gjatë që një person merr steroid, aq më i madh është rreziku i komplikimeve. Presioni i syrit mund të rritet pas disa javësh nga marrja e steroideve. Megjithatë, te disa njerëz, presioni i syrit mund të rritet vetëm një orë pas marrjes së steroideve, sipas një studimi të vitit 2017.
Sipas Akademisë Amerikane të Oftalmologjisë, marrja e një doze më të lartë të steroideve dhe më pas zvogëlimi i dozës në një më të ulët ka më pak gjasa të shkaktojnë katarakte sesa marrja e një doze më të ulët të steroideve për një periudhë të gjatë kohore.
Llojet e steroideve
Steroidet mund të prodhohen në disa forma: pika për sy, sprej inhalimi, injeksione, krema dhe pilula
Mjekët përshkruajnë steroid për një sërë arsyesh.
Ata shpesh përshkruajnë pika syri steroide për: reduktimi i inflamacionit pas operacionit në sy, trajtimi i uveitit (inflamacion i syrit), reduktimin e dëmtimit të syve pas lëndimit.
Mjekët mund të përshkruajnë steroide orale, thithëse ose lokale për të trajtuar: ekzeman, dermatit atopik, astmën, artritin, probleme të lëkurës, të tilla si skuqje ose reaksione alergjike.
Si ndikojnë steroidet te sytë?
Marrja e steroideve mund të rrisë presionin e syve. Pikat e syve dhe medikamentet nga goja kanë më shumë gjasa të shkaktojnë probleme me sytë. Doza shumë të larta të steroideve të thithura gjithashtu mund të shkaktojnë efekte anësore në sy.
Kataraktet
Marrja e steroideve mund të shkaktojë një lloj katarakti që mjekët e quajnë katarakt subkapsular posterior. Kjo bën që një zonë e vogël, e paqartë të formohet nën thjerrëzat e syrit.
Korioretinopatia seroze qëndrore
Korioretinopatia seroze qendrore (CSC) është një sëmundje që shkakton grumbullimin e lëngjeve nën retinë. Kjo mund të shkaktojë shkëputje të retinës dhe probleme me shikimin.
Kjo sëmundje nuk shkakton gjithmonë simptoma. Megjithatë, shikimi i paqartë mund të shfaqet në njërin ose të dy sytë. Objektet mund të duken më të vogla ose më të largëta kur shihen me sy të lirë. Linjat e drejta mund të duken të përdredhura ose të deformuara.
Glaukoma
Përdorimi i steroideve mund të shkaktojë glaukomë të induktuar nga steroidet.
Simptomat për t’u kujdesur
Bisedoni me mjekun tuaj nëse jeni duke marrë steroide dhe keni problemet e mëposhtme me sy.
Simptomat e kataraktit mund të jenë: shikim i turbullt, imazhe të kopjuara, kapak i relaksuar, probleme me shikimin periferik (lateral) si dhe probleme me shikimin gjatë natës.
Simptomat e glaukomës
Simptomat e glaukomës shfaqen vonë dhe simptomat përfshijnë: shikimin e turbullt, të përziera, probleme me shikimin, veçanërisht në dritë të ulët, probleme me shikimin periferik (lateral), sy te kuq dhe të vjella.
Efekte të tjera anësore
Përveç problemeve me sytë, përdorimi kronik i steroideve mund të shkaktojë efekte të tjera anësore.
Ky grup përfshin: shërimin e vonuar të plagëve, infeksionet e shpeshta, osteoporoza, hollimi i lëkurës, shtimi në peshë.
Sa do të zgjasin simptomat?
Në mënyrë ideale, nëse mund të reduktoni ose ndaloni marrjen e steroideve, simptomat tuaja do të përmirësohen. Këtu janë disa këshilla se si mund të përmirësoni shëndetin tuaj kur merrni steroid:
Pini shumë ujë
Steroidet mund të rrisin mbajtjen e natriumit, gjë që mund të shkaktojë fryrje. Konsumimi i mjaftueshëm i ujit mund të nxisë çlirimin e ujit nga trupi.
Hani shumë kalcium
Kjo mund të zvogëlojë efektet anësore të osteoporozës dhe hollimin e kockave. Ushqimet e pasura me kalcium janë: djathi, qumështi, kosi, spinaqi.
Ushtroni rregullisht
Marrja e steroideve mund të ndryshojë mënyrën se si trupi juaj ruan yndyrën. Ushtrimi mund të ndihmojë në ruajtjen e peshës normale të trupit si dhe shëndetin e kockave.
Përmbahuni nga pirja e duhanit
Pirja e duhanit mund të hollojë kockat dhe të rrisë rrezikun e efekteve anësore të lidhura me kockat.
Kur të vizitoni një mjek?
Nëse jeni duke marrë ndonjë lloj steroidi për më shumë se dy javë, është mirë të flisni me mjekun tuaj se si mund të ndikojë ilaçi në sytë tuaj. Asnjëherë mos e ndaloni marrjen e steroideve vetëm pa këshillën e mjekut. Ndërprerja e menjëhershme e steroideve mund të shkaktojë efekte anësore, të tilla si: dhimbje kyçesh, ndjeshmëri të muskujve, ethe dhe lodhje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
