A do të luaj Mbappe në ndeshjen e parë të PSG pas botërorit?

Mërzia e Kylian Mbappe për humbjen në finalen e Kupës së Botës 2022 në Katar do të zgjasë 10 ditë.

Pikërisht kjo është koha mes ndeshjes kundër Argjentinës dhe këtë të mërkurë 28 kundër Strasburgut, në të cilën ylli francez mund të marrë minuta për Paris Saint-Germain.

Siç raportohet nga L’Equipe, Mbappe mund të përfshihet në një nga ndeshjet e PSG-së këtë javë, ose kundër Strasburgut ose kundër Lens në fundjavë.

Në të njëjtën situatë si Mbappe janë edhe lojtarë të tjerë që kanë luajtur në Botëror, si Achraf Hakimi, Neymar dhe Marquinhos.

Përjashtim bën vetëm Leo Messi, i cili është ende në pushimet e Krishtlindjeve pas Botërorit dhe ndodhet në Argjentinë.

Messi nuk ka një datë të konfirmuar të kthimit. Megjithatë, tifozët e PSG-së që shkojnë në Parc des Princes të mërkurën mund të jenë në një kënaqësi të vërtetë nëse mund të shohin disa nga yjet e skuadrës parisiene që ishin në Kupën e Botës në veprim.

Klubi dhe stafi i tij teknik po shqyrtojnë këtë opsion, sepse ndeshjet e kësaj jave mund ta largojnë PSG-në në renditjen e Ligue 1. Më pas, gjatë muajit janar do të hartohet një plan tjetër me këta lojtarë për t’u përgatitur sa më mirë për ndeshjen e Champions League kundër Bayern Munich-ut.

Në rastin e Mbappes, vendimi për të sjellë rikthimin e tij përpara mund t’i lihet vetë lojtarit, i cili do të duhet të kthehet në fushë sa më shpejt të jetë e mundur për të filluar shërimin e plagëve të Kupës së Botës.

Ai tashmë e ka nisur duke u rikthyer sa më shpejt në stërvitje, për të ruajtur formën që i dha një rezultat kaq të mirë në Botërorin ku ishte golashënuesi më i mirë me tetë gola.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.