Marc Marquez dhe debutimi i tij në Qatar është ende një vendim jo përfundimtar, por janë të gjitha arsyet pse spanjolli në këtë Grand Prix mbetet garues jo-zyrtar.
Aspekti i parë dhe më i rëndësishëm është gjendja e krahut të djathtë që e pati thyer në korrik dhe që e operoi tre herë. Testi i dytë i kryer në Portimao, dy ditë pas atij në Barcelona, tregon se ngjitja e krahut është formuar tashmë dhe se toni i muskujve është i mjaftueshëm.
Gjendja optimale ende i mungon, por siç mund të dëshmojnë të gjithë pilotët, vetëm “duke hipur në motor mund të shërohesh më mirë dhe më shpejt”. Sigurisht, Losail nuk është një pistë shumë e favorshme për të debutuar; nuk është e përshtatshme për Honda-n, rrëzohesh me shpejtësi të madhe. Të gjithë pilotët e tjerë kanë garuar në këtë pistë për të paktën pesë ditë testimi.
Me pak fjalë, Marquez do të bënte debutimin e tij në një gjendje të vështirë, madje në një garë ku konkurrenca do të ishte në maksimumin e saj. Është e vërtetë që mund të pritet një javë shtesë, duke pasur parasysh se do të ketë dy gara në Qatar, por askush nuk e ndalon atë të dalë në pistë në praktikë të lirë, e në rast se nuk ndjehet mirë t’ia lërë motorin kolaudatorit Stefan Bradl për ta provuar. Por kjo nuk është mënyra e të menduarit të Marquez dhe për këtë arsye ai pritet në Qatar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
