Vendimi i BE-së për njohjen e pasaportave ilegale, Tahiri: Ndodhi sepse Qeveria ishte e zënë në ngulfatjen e mediave
Vendim i Bashkimit Evropian për të njohur pasaportat ilegale të serbëve të Kosovës, sipas Shefit të Grupit Parlamentar të Aleancës për Ardhmërinë e Kosovës (AAK), paraqet “një precedent të rrezikshëm dhe një goditje e madhe ndaj shtetit tonë.
“Ky veprim përligj dhe legjitimon një autoritet të huaj dhe saboutes, dhe si i tillë lejon goditjen dhe ndërhyrjen e drejtpërdrejtë në sovranitetin institucional të Republikës së Kosovës nga ana e strukturave serbe”, shkroi Tahiri në Facebook.
Kjo, në prizmin e tij, nuk ka asgjë të bëjë me të drejtat e njeriut dhe as me ofrimin e mundësive të barabarta, “sepse ato i ofron Kosova në nivelin më gjithëpërfshirës dhe më ekskluziv për serbët e Kosovës”.
“Kjo nuk ndodhi në një ditë, kjo ndodhi sepse kjo qeveri ishte e zënë me populizëm, me luftimin e mediave të lira, me ngulfatjen e demokracisë, duke mos pasur kohë për informim dhe afirmim të pozicioneve tona shtetërore në instancat e BE-së”, mendon.
Kjo ndodhi, shton Tahiri, sepse krerët tanë institucional, “ishin të zënë me ping pongun me temën e Asociacionit”.
“Harruan se Serbia vepron hapur dhe në fshehtësi!”, përfundoi.
Për vendimin e Bashkimit Evropian për heqjen e vizave të serbëve të Kosovës, që kanë pasaporta ilegale të lëshuara nga Serbia, në të cilat Kosova paraqitet si pjesë e Serbisë, krerët e shtetit nuk kanë marrë fare përgjegjësi, por vetëm kanë hedhur akuza dhe i kanë dhënë leksione Unionit se sa i dëmshëm është ky vendim.
Të gjithë njëzëri kanë thënë se vendimi i BE-së dëmton karakterin multetnik të shtetit kosovar dhe saboton procesin e integrimit të komunitetit serb.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Abdixhiku: Kurti mashtroi, varfëroi dhe izoloi një popull të tërë
-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel