Këtu, sot, mbyllet shërbimi im trevjeçar në krye të Kuvendit, si rezultat i një situate personale shëndetësore.
Me këtë fjali, kryetarja e Kuvendit të Shqipërisë, Lindita Nikolla njoftoi dorëheqjen nga detyra e saj.
Dhe, për këtë arsye ajo drejtoi dhe një lutje: Të mos përdorej politikisht dorëheqja e saj – e cila ka vetëm arsye shëndetësore.
Duke pasur parasysh se në Shqipëri, kryetari i Kuvendit është një nga pozicionet më të larta të shtetit dhe ka një rol të rëndësishëm në funksionimin e organit legjislativ, ndiqen dhe një sërë procedurash dhe pasojash ligjore pas dorëheqjes.
Për këtë sipas rregullores së Kuvendit dhe praktikave të vendosura për të siguruar vazhdimësinë e funksionimit të organeve shtetërore procedurat fillojnë me dorëheqjen me shkrim, e cila më pas i dërgohet Kuvendit. Kjo duhet të bëhet sipas rregullave të përcaktuara në Rregulloren e Kuvendit.
Kuvendi duhet të mblidhet dhe të votojë për pranimin e dorëheqjes. Kjo është një procedurë formale, por në përgjithësi dorëheqja pranohet.
Pas pranimit të dorëheqjes, Kuvendi duhet të zgjedhë një kryetar të ri. Procesi i zgjedhjes përfshin paraqitjen e kandidaturave dhe më pas votimin nga deputetët e Kuvendit. Kandidati duhet të fitojë shumicën e votave për t’u zgjedhur.
Deri në zgjedhjen e kryetarit të ri, nënkryetarja Kuvendit mund të marrë përkohësisht detyrat e kryetarit. Në këtë rast është Ermonela Felaj.
Dorëheqja e Nikollës u prit me duartrokitje në sallë, dhe përqafime nga kolegët e mazhorancës socialiste.
Kjo dorëheqje përbën një moment të rëndësishëm në skenën politike shqiptare, duke sjellë në vëmendje tensionet dhe ndarjet politike ekzistuese, ndërsa Kuvendi përgatitet për zgjedhjen e një drejtuesi të ri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel