Partia Demokratike e Kosovës (PDK), e ka dënuar ashpër djegien e dy veturave zyrtare në Zveçan në vendparkimin e objektit të komunës.
Përmes një komunikate për media nga PDK-ja u është bërë thirrje institucioneve të sigurisë dhe të drejtësisë që ta hetojnë dhe ta zbardhin këtë rast.
“Partia Demokratike e Kosovës dënon ashpër aktin e mbrëmshëm kriminal të djegies së dy veturave zyrtare të Komunës së Zveçanit në vendparkimin e objektit të komunës. PDK u bën thirrje institucioneve të sigurisë dhe drejtësisë ta hetojnë dhe ta zbardhin sa më parë këtë rast, si dhe të angazhohen në parandalimin e akteve të tilla të mundshme”, thuhet në komunikatë.
Sipas PDK-së, rritja e interesimit të qytetarëve serbë që jetojnë në Zveçan për të drejtuar dhe për të shprehur nevojat e tyre ndaj komunës po u pengon grupeve kriminale.
“Kryetari i komunës, Ilir Peci dhe ekipi i tij mbeten të përkushtuar në kryerjen e detyrave dhe obligimeve të tyre në shërbim të të gjithë qytetarëve, pa dallim”.
Kjo parti ka kërkuar nga organet e rendit që t’i ofrojnë mbrojtje dhe të garantojnë sigurinë e kryetarit dhe zyrtarëve të tjerë të Zveçanit.
Ndër të tjera, kanë apeluar të gjithë qytetarët që të shfaqin qetësi e maturi si dhe të bashkëpunojnë me organet e sigurisë.
Të premten e 26 korrikut është raportuar për djegien e dy vetura në komunën e Zveçanit rreth orës 01:40, ku është dyshuar për zjarrvënie.
Ndërsa, ishte njoftuar se nuk kishte të lënduar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel