Inter-i raportohet se po monitoron zhvillimin e qendërmbrojtësit 19-vjeçar Nathan Zeze të skuadrës së Ligue 1 Nantes si një alternativë e mundshme ndaj mbrojtësit të gjithanshëm të Arsenal-it, Jakub Kiwior.
Zikaltërit janë të fokusuar në sjelljen e një qendërmbrojtësi të ri për të mbuluar të dëmtuarin Tajon Buchanan, i cili pritet të jetë jashtë fushës për të paktën tre deri në katër muaj.
Ndonëse Buchanan është një mbrojtës krahu ose anësor, Carlos Augusto, i cili shpesh ishte në qendër të mbrojtjes në sezonin 2023-24, pritet të rikthehet në pozicionin e tij natyror në fushë në mungesë të kanadezit.
Kjo do të thotë se një qendërmbrojtës është prioriteti aktual për Inter-in, dhe megjithëse disa raporte sugjerojnë se klubi po negocion me ish-mbrojtësin e Spezia-s, Kiwior, “Calciomercato.com” vë në dukje se Zeze është gjithashtu një lojtar që intereson atyre.
Edhe pse ai bëri vetëm 13 paraqitje në Ligue 1 sezonin e kaluar, Zeze konsiderohet të jetë një nga perspektivat më të nxehta që Franca ka për të ofruar përsa i përket mbrojtësve.
Nantes është, natyrisht, i vetëdijshëm për potencialin e lojtarit të tyre, dhe për këtë arsye e vlerëson atë me një çmim minimal prej 15 milionë eurosh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel