Zyra e Prokurorit të Specializuara (ZPS), ka dorëzuar aktakuzë të ndryshuar për ish-kryetarin e Malishevës, Isni Kilaj, ai po akuzohet për pengim të drejtësisë.
Lajmi është bërë i ditur nga njoftimi i lëshuar nga Zyra e Prokurorit të Specializuara.
“Në vazhdim të njoftimit të mëparshëm lidhur me çështjen Kilaj në muajin maj, më 18 korrik ZSP-ja ka njoftuar publikisht Gjykatësen e Procedurës Paraprake se ka dorëzuar aktakuzën e ndryshuar kundër Isni Kilajt. Njoftimi, i cili nuk përfshin detaje të mëtejshme, është i disponueshëm këtu”, bëhet e ditur në njoftimin e Speciales.
Më 15 maj, DhSK-ja e kishte liruar Kilajn i cili ishte arrestua në nëntor të vitit të kaluar.
Ish-eprori i Ushtrisë Çlirimtare të Kosovës ishte liruar me kusht.
Kushti i parë ishte dhënia e një garancie financiare apo dorëzani prej 30 mijë eurosh në administratën e Gjykatës Speciale.
Kilaj pas lirimit nuk ka të drejtë të largohet nga territori i Kosovës dhe të dorëzojë dokumentet e tij të udhëtimit.
Gjithashtu Kilaj duhet të paraqitet në Policinë e Kosovës, të japë adresën e tij se ku do të jetojë përgjatë procesit gjyqësor dhe të shmang çfarëdo kontakti me mediat.
Nëse Kilaj do të thyej ndonjë nga kushtet, do të jepet urdhër për arrestimin e tij.
Ndonëse është liruar, Kilaj vazhdon të jetë i dyshuar veprën penale kundër administrimit të drejtësisë.
Kilaj ishte arrestuar më 2 nëntor 2023 pas bastisjes së shtëpisë së tij.
Zyra e Prokurorit të Specializuar kishte bërë të ditur se Kilaj është i ngarkuar me vepra penale në të cilat përfshihet pengimi i personave zyrtarë në kryerjen e detyrave zyrtare dhe shkelja e sekretit të procedurave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel