Osmani para samitit: Kosova do t’i shprehë shqetësimet në mënyrë të barabartë, pavarësisht që s’është në BE
Presidentja e Kosovës, Vjosa Osmani, në samitin e katërt të liderëve të Komunitetit Politik Evropian ka deklaruar se Kosova është shembull i shkëlqyeshëm i demokracisë.
Osmani, para gazetarëve ka thënë se ndonëse Kosova s’është pjesë e BE-së do të diskutoj për sfidat që ka.
“Edhe pse nuk jemi anëtare e Bashkimit Evropian, do të kemi mundësinë e barabartë të shprehim jo vetëm shqetësimet por edhe ide se si mund t’i tejkalojmë disa prej sfidave më të mëdha që kontinenti ynë po i përball”, ka thënë ajo.
“Sot do të jetë ditë ku do të dëgjojmë shumë storie optimiste”, ka thënë ajo.
Ndër të tjera është pyetur edhe për zgjedhjet në Shtetet e Bashkuara të Amerikës (SHBA), për të cilat potencoi se do të kenë ndikim në raportet mes vendeve të botës.
“Sigurisht që kush do të jetë presidenti i ardhshëm i Shteteve të Bashkuara të Amerikës, ndikon edhe në marrëdhëniet me pjesën tjetër të botës, megjithatë ky është një vendim që duhet ta marrin vetë qytetarët e Shteteve të Bashkuara”.
Ajo ka vlerësuar mbështetjen e SHBA-ve në Kosovë përgjatë kohërave të ndryshme.
“Kosova ka pasur fatin që gjithmonë të ketë mbështetjen e Shteteve të Bashkuara. Ne u bëmë të lirë gjatë presidencës demokratike, por u bëmë të pavarur gjatë presidencës republikane dhe në çdo administratë kemi pasur mbështetjen e jashtëzakonshme të Shteteve të Bashkuara të Amerikës”.
Presidentja Osmani, ka udhëtuar për në Mbretërinë e Bashkuar, për të marrë pjesë në Samitin e Komunitetit Politik Evropian.
Gjatë këtij samiti, Osmani pritet të riafirmojë përkushtimin e Kosovës për forcimin e aleancave dhe përafrimin e saj me institucionet euroatlantike.
Osmani do të marrë pjesë në dy sesionet plenare të Samitit, si dhe në tryezën e rrumbullakët të liderëve me temë “Mbrojtja e demokracisë: luftimi i manipulimit të informacionit nga shtetet e huaja”.
Ndryshe, Osmani përfaqësoi Kosovën në aktivitetin përmbyllës të Samitit të NATO në Shtetet e Bashkuara të Amerikës, me ftesë të Joe Biden, ku m ç’rast në përfundim të samitit, ka pasur rastin ta takoi Biden, “të cilin e ka falënderuar për kontributin dhe përkushtimin e tij ndaj Kosovës”.
Pjesëmarrjen në këtë aktivitet të Samitit të NATO-s, Osmani e ka vlerësuar të një rëndësie të veçantë për shtetin e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel