Të mërkurën në Komisionin për Buxhet, Punë dhe Transfere, ku është bërë shqyrtimi i raportit vjetor financiar i Buxhetit të Republikës së Kosovës për vitin 2023, partitë opozitare kanë adresuar kritika të shumta për Qeverinë e Kosovës për sa i përket menaxhimit të buxhetit.
Sipas deputetit të Lidhjes Demokratike të Kosovës, Avdullah Hoti, për tre vjet Qeveria e Kosovës ka menaxhuar plotë 11 miliardë euro, por që efekti i një shume të tillë nuk është vërejtur askund.
“Shpenzimet kapitale kanë qenë shumë të ulëta, dhe si rezultat vendit i mungojnë rreth 1 miliardë euro në qarkullim”, ka shkruar ai në platformën sociale, Facebook.
Subvencionet, sipas Hotit, janë rritur shumë, e një gjë e tillë, në vlerësimin e tij, tregon që ka thellim të varfërisë dhe mungesë të politikave zhvillimore.
“Pagesat për avance në rritje enorme, të cilat në vitet 2021-2023 kanë qenë afër 200 mil euro. Politikë të kursimeve nuk ka: (a) shpenzimet për qira për institucione vazhdojnë të jenë të larta, (b) blerja e librave ka kushtuar shumë më shtrenjtë dhe (c) prokurimet njëburimore janë rritur”, ka shtuar ai.
Sipas Hotit, gjatë tre vjet qeverisje ka pasur edhe rritje të tatimeve, por jo e edhe politika tatimore.
“Borxhi i Qeverisë ndaj publikut është rritur. Borxhi i publikut ndaj Qeverisë është rritur. Pagesat për vendime të gjykatave janë rritur, të cilat për 2021-2023 kanë qenë 86 milionë euro”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel