Këtë të hënë në ambientet e “Shtëpisë së Futbollit”, Tiranë, është hedhur shorti për kalendarin e kampionatit Kategoria Superiore për sezonin 2024-25, që është edhe edicioni i 86-të në histori.
Të pranishëm në hedhjen e shortit ishin përfaqësuesit e 10 klubeve të kampionatit Kategoria Superiore, përfaqësues të medias shqiptare, shefi i Departamentit të Garave në FSHF, Marjus Sulejmani si edhe ish-kapiteni i Kombëtares shqiptare, Altin Lala.
10 klubet kanë mësuar nga goglat kundërshtarët e tyre për 36 javët e këtij edicioni, teksa që në javën e parë premtohen emocione.
Java e parë e kampionatit Kategoria Superiore, 18 gusht 2024:
KF Partizani – KF Vllaznia
KF Skënderbeu – AF Elbasani
KF Teuta – FK Bylis
FC Dinamo City – KF Egnatia
KF Laçi – KF Tirana
Sipas vendimit të Komitetit Ekzekutiv të FSHF-së, Kategoria Superiore do të ngrejë siparin të dielën e 18 gushtit dhe kampionati i rregullt do të përfundojë më datë 1 maj të vitit 2025.
Faza “Final Four” do të luhet në periudhën 9 – 17 maj 2025.
Në kampionatin Kategoria Superiore këtë sezon marrin pjesë këto skuadra: KF Egnatia, KF Partizani, KF Skënderbeu, KF Vllaznia, KF Tirana, KF Teuta, FC Dinamo City, KF Laçi, AF Elbasani dhe FK Bylis.
Kalendari i plotë i Kategorisë Superiore 2024-25, kliko këtu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel