Presidentja e Kosovës, Vjosa Osmani, ka uruar Keir Starmer, liderin e Partisë Laburiste, për fitoren në zgjedhjet parlamentare në Mbretërinë e Bashkuar, të enjten e 6 korrikut.
Këtë, Osmani e bëri përmes një postimi në platformën X, të premten.
“Urime të përzemërta, Keir Starmer, për fitoren tuaj historike në zgjedhje! Mbretëria e Bashkuar ka një vend të veçantë në zemrat e të gjithë kosovarëve dhe jam i bindur se së bashku, ne do të punojmë ngushtë për të forcuar aleancën tonë të gjatë”, shkroi Osmani.
Në fund, e para e vendit i uroi suksese Starmer-it kur do ta merr pozitën e kryeministrit.
Ndryshe, Partia Laburiste ka arritur fitore bindëse në zgjedhjet parlamentare në Britani të Madhe.
Me këtë fitore, laburistët i kanë dhënë fund qeverisjes 14 vjeçare nga Partia Konservatore.
Partia e qendrës së majtë ka fituar shumicën dërrmuese të ulëseve në Parlamentin britanik, që përbëhet prej 650 vendesh.
Nga ana tjetër, konservatorët që drejtoheshin nga Rishi Sunak, e kanë pësuar disfatën më të rëndë në historinë e vet.
Mëngjesin e së premtes, Keir Starmer u zotua se do të sjellë ndryshime në Britani si kryeministri i ardhshëm i vendit.
Sunak e pranoi humbjen më herët dhe tha se i ka telefonuar Starmerit për ta uruar për fitoren.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel