Kampioni i padiskutueshëm i botës në peshën e rëndë, Oleksandr Usyk (37 vjeç) tha se ai mund të rikthehet në kategorinë e peshave cruiserweight pas revanshit të tij me britanikun Tyson Fury (35 vjeç) më vonë këtë vit.
Usyk, tani kampion i WBA, WBC, IBF dhe WBO, mundi Fury-n me vendim të ndarë në një garë emocionuese në “Kingdom Arena” në Riad për t’u bërë kampion i padiskutueshëm i peshave të rënda.
Ukrainasi ishte më parë kampioni i padiskutueshëm në cruiserweight përpara se të ngjitej në peshën e rëndë në vitin 2019.
“Mendoj se ndoshta pas ndeshjes së revanshit, do të zbres në peshë në cruiserweight. Unë dua më shumë cruiserweight”, tha Usyk në një episod të podcast-it “3 Knockdown Rule” të publikuar të mërkurën.
“Ndoshta mund të jem i padiskutueshëm për herë të dytë në kategorinë e cruiserweight, është plani im. Kur të filloj të përgatitem për kampin tim stërvitor (si një peshë e rëndë), duhet të ha gjatë gjithë kohës. Për mua është e vështirë, nuk më pëlqen”, theksoi ukrainasi.
Usyk është kampioni i parë i padiskutueshëm i peshave të rënda që nga fundi i mbretërimit të Lennox Lewis në prill të vitit 2000. Ai do të përballet me Fury-n në një revansh më 21 dhjetor në Riad të Arabisë Saudite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel