Ziadeh kërkon nga Kosova të anashkaloj veprimet e njëanshme për hapjen e Urës së Ibrit: Tensionet mund të rritën
Shefja e UNMIK-ut, Caroline Ziadeh, ka kërkuar nga Kosova që të anashkaloj veprimet e njëanshme për sa i përket hapjes së Urës së Ibrit, pasi që institucionet kosovare po kërkojnë që e njëjta të hapet për qarkullim të automjeteve.
Ziadeh, përmes një shkrimi në platformën ‘X’ ka paralajmëruar se hapa të tillë mund të rrezikojnë stabilitetin.
“Shefja e UNMIK-ut Ziadeh, përsërit se veprimet e njëanshme që mund të rrisin tensionet, të rrezikojnë stabilitetin dhe të minojnë besimin midis komuniteteve duhet të shmangen”.
“Çështjet e pazgjidhura, përfshirë planet për të rihapur urën e Ibrit të Mitrovicës për automjete, duhet të zgjidhen përmes dialogut të lehtësuar nga BE-ja”, ka shkruar ajo.
SRSG Ziadeh reiterates unilateral actions that could increase tensions, jeopardize stability & undermine trust among communities should be avoided. Outstanding issues, incl. plans to reopen Mitrovica's Ibar/Ibri Bridge to vehicles, to be resolved via the EU-facilitated dialogue.
— UNMIK (UN Mission in Kosovo) (@UNMIKosovo) May 31, 2024
Edhe KFOR-i edhe Bashkimi Evropian, kanë pasur kërkesë të ngjashme ndaj institucioneve të Kosovës – ata kanë kërkuar që veprimet për këtë vendim të vendosen në kuadër të dialogut.
Në lidhje me rihapjen e urës së Ibrit, më 29 prill të vitit të kaluar, kishte reaguar edhe misioni paqeruajtës i NATO-s në Kosovës (KFOR), të cilët kishin potencuar se kjo gjë mund të bëhet vetëm përmes dialogut politik mes Kosovës dhe Serbisë nën udhëheqjen e BE-së.
Ndryshe, Ura mbi lumin Ibër ishte ndërtuar për të bashkuar qytetin e Mitrovicës, por ajo shpejt u bë simbol i ndarjes në baza etnike.
Ka pasur shumë përpjekje për hapjen e saj, por një gjë e tillë asnjëherë nuk ndodhi, madje atje qëndronin edhe trupat e KFOR-it, që ishin garant për sigurinë në atë pjesë problematike të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi