Humbja e Fiorentina-s në finalen e UEFA Europa Confernce League (UECL) ndaj Olympiacos-it do të thotë gjithashtu se Torino nuk do të kualifikohet për në Evropë në sezonin 2024-25.
Viola kishte shpresuar të ngrinte trofeun në Athinë mbrëmjen e të mërkurës, por përfundimisht kapitulloi në kohën shtesë ndaj Olympiacos-it me rezultatin 1-0 të vendosur nga Ayoub El Kaabi në minutën e 116-të.
Një fitore do ta dërgonte Fiorentina-n në Europa League si fituese, kështu që vendi i tyre në Conference League, i fituar duke përfunduar i teti në Serie A, do të zbriste për Torino-n, i cili ishte i nënti.
Megjithatë, pasi humbi finalen e dytë radhazi të Conference League, Fiorentina hyn në këtë kompeticion për të tretin vit radhazi.
Torino e humbet Evropën krejtësisht.
Tani e dimë se sezonin e ardhshëm do të ketë tetë skuadra të Serie A në Evropë në vend të nëntë.
Inter-i, Milan-i, Juventus-i, Atalanta dhe Bologna hyjnë në Champions League, me Roma-n dhe Lazio-n në Europa League.
Fiorentina shkon në Conference League dhe mund të përpiqet të arrijë në një finale të tretë radhazi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel