Sindikata e fermerëve ka zhvilluar mesditën e kësaj të hëne një protestë në vendin e quajtur “Ura e Kuçin”, në kufirin ndarës mes Beratit e Fierit.
Ata mësohet se kanë bllokuar për disa minuta aksin nacional Berat-Lushnje dhe kanë hedhur në rrugë edhe prodhimet e tyre në shenjë indinjate.
Po ashtu ka pasur edhe tensione të herëpashershme mes protestuesve dhe policisë.
Policia sakaq është përpjekur të pengojë bllokimin e rrugës nga protestuesit.
Fermerët kanë deklaruar se ata po shkojnë drejt falimentimit, për shkak të diskriminimit dhe mungesës së kontrollit nga shteti të pikave të grumbullimit, që prodhimet e tyre i marrin me çmime qesharake dhe pa fatura tatimore.
Puna dhe mundi, sipas tyre, po shkon dëm. Kjo pasi e kanë të pamundur të nxjerrin shpenzimet e kultivimit të prodhimit, blerjes së farave dhe pesticideve.
Fermerët kanë deklaruar gjithashtu se kjo gjendje e rënduar po i detyron t’i hedhin prodhimet e tyre kanaleve, pasi duke mos u shitur kalben.
Ata kanë deklaruar edhe se protestat e tyre do të vazhdojnë teksa i bëjnë apel Ministrisë së Bujqësisë dhe kryeministrit t’i japin zgjidhje kësaj situate të rënduar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel