BE-ja pret që projektligji për KPK-në të jetë në “harmoni të plotë” me opinionin e Komisionit të Venecias
![](https://albanianpost.com/wp-content/uploads/2024/03/tomas.jpg)
Ambasadori i Bashkimit Evropian (BE) në Kosovë, Tomáš Szunyog, nëpërmjet një postimi në platformën “X” të enjten, tha se pret që projektligji për Këshillin Prokurorial të Kosovë (KPK) të përputhet plotësisht me opinionin e Komisionit të Venecias, para se të miratohet si ligj.
Kuvendi i Kosovës miratoi të enjten në parim projektligjin për ndryshimin dhe plotësimin e Ligjit për KPK-në, i cili synon eliminimin e mangësive ligjore të identifikuara, në mënyrë që KPK-ja t’i ushtroj kompetencat e saj kushtetuese dhe ligjore. Në votim nuk morën pjesë partitë opozitare.
“Pash se Kuvendi i Kosovës miratoi në lexim të parë projektligjin për KPK-në. Ne presim që projektligji të përputhet plotësisht me rekomandimet e Komisionit të Venecias para miratimit të ligjit”, shkroi diplomati çek.
Ndryshe, ekzekutivit në vazhdimësi i është kërkuar që projektligji për KPM-në të ngërthejë brenda vetes gjetjet e Gjykatës Kushtetuese të Kosovës, opinionin e Komisionit të Venecias dhe rekomandimet e shoqërisë civile.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com