![](https://albanianpost.com/wp-content/uploads/2024/02/hg.png)
Skuadra e Ballkanit nuk ka shkuar më shumë se një barazim 1-1 në shtëpi përballë Gjilanit. Një rezultat që hap zyrtarisht garën për titullin në Superligën e Kosovës.
Ballkani dhe Gjilani u përballën në kuadër të javës së 22 të Superligës.
Edvin Kuç hapi rezultatin e ndeshjes, duke kaluar vendasit në avantazh në minutën e 12. Mirëpo, miqtë do të arrinin të gjenin golin e barazimit në minutën e dytë shtesë të pjesës së parë me Elvedin Heriç.
Kjo është ndeshja e tretë radhazi për kampionët në fuqi të Superligës që nuk arrijnë të fitojnë. Ata erdhën në këtë takim pas humbjes 1-0 ndaj Dritës dhe barazimit 2-2 me Ferronikelin.
Për Gjilanin ky është barazimi i pestë radhazi në Superligë. Seria e barazimeve për ta nisi pikërisht ndaj Ballkanit në dhjetor, në atë takim të përfunduar me rrjeta të paprekura.
Me barazimin e arritur, Ballkani shkon në koutën e 45 pikëve, në krye të Superligës. Llapi i vendit të dytë ka 43 pikë, ndërsa Drita e vendit të tretë ka 40 pikë. Me këto dy skuadra të fundit që kanë nga një ndeshje më pak.
Renditja e Superligës
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com