![](https://albanianpost.com/wp-content/uploads/2024/02/Pamja-e-ekranit-2024-02-21-144211.jpg)
Manjati i pasurive të paluajtshme Mauricio Umansky pohoi se ish gruaja e tij, aktorja Kyle Richards e inkurajoi atë të dilte me njerëz të tjerë kur ajo filloi ndarjen prej tij.
“Kam kaluar 26 vite fantastike me nënën tuaj – 26 vite të mrekullueshme. Doja të bëja gjithçka që ishte e mundur për ta shpëtuar atë”, u tha Umansky tre prej vajzave të tij dhe Richards në një klip paraprak për sezonin e dytë të “Buying Beverly Hills” të Netflix të publikuar së fundmi.
Umansky i shpjegoi Farrah, Alexias dhe Sophia Umanskyt të përlotur se nëna e tyre kishte shkuar tek ai për t’i thënë se “kishte nevojë për hapësirë”.
Mauricio talks to his daughters about separating from Kyle Richards in this first look at Buying Beverly Hills Season 2. Premiering March 22. pic.twitter.com/Ce4OVBu7BE
— Netflix (@netflix) February 20, 2024
“Ajo më tha: ‘Dëgjo, rregullat janë që, ti e di, ti del, do të takohesh, do të bësh çfarë të duash. Si, unë nuk do të të pyes se çfarë po bën. Unë nuk dua që ti të më pyesësh se çfarë po bëj. Sikur, ne jemi ndarë’”, kujton Umansky, 53 vjeç, nga një bisedë me Richards, 55 vjeçe.
Umansky shtoi se ai tani ka nevojë për “për hapësirë kohore reflektimi”, kështu që ai mund të kalojë pak kohë në shtëpinë e tyre të përbashkët në Aspen, Colo.
“Është kaq e çuditshme të bësh edhe këto biseda,” i tha Farrah, 35 vjeçe, babait të saj.
Sophia, 24 vjeçe gjithashtu u emocionua dhe filloi të fshinte lotët duke reflektuar se si “jeta e tyre sapo ka ndryshuar kaq shumë”.
“Unë definitivisht nuk mund të parashikoja se ku do të ishte jeta ime një vit më parë – në të gjitha aspektet”, shtoi Farrah.
Sophia vazhdoi të qante dhe u shpreh se ata “morën vesh krejt vonë se mes çiftit kishin filluar krisjet, problemet dhe mosmarrëveshjet”, dhe sipas saj, tanimë gjërat kanë ndryshuar komplet.
“Më vjen keq që të gjithë po e kalojmë këtë. me vjen keq për të gjithë ne”, thirri Alexia, 27 vjeçe dhe i tregoi babait të saj për pjesën e fundit.
Paraafishimi ra vetëm një ditë përpara se një nga bisedat e para të Richards dhe Umansky me fëmijët e tyre rreth ndarjes të transmetohej gjatë finales së sezonit të “The Real Housewives of Beverly Hills”.
Në këtë kohë, është e paqartë se cilat detaje ish-çifti – që kanë edhe vajzën Portia, 16 vjeçe – zgjodhi t’u tregonte fëmijëve të tyre në episodin e ardhshëm të “RHOBH”, por kjo rezultoi që çdo person në familjen e tyre prej gjashtë anëtarësh të emocionohej.
![](https://albanianpost.com/wp-content/uploads/2024/02/Pamja-e-ekranit-2024-02-21-144347-1024x503.jpg)
“Ne jemi një familje shumë e fortë dhe do të jemi, do të jemi gjithmonë. Ju e dini se asgjë nuk mund ta ndryshojë këtë”, u tha Richards fëmijëve të saj në trailerin “RHOBH”.
Meqenëse lajmet për ndarjen e tyre u publikuan gjatë verës, Richards ka folur për ndarjen dhe ka konfirmuar se ishte ajo që e nisi ndarjen.
Richards gjithashtu rrëfeu kohët e fundit për Entertainment Tonight se ajo dhe Umansky janë “të lirë të bëjnë atë që duan” me jetën e tyre.
Richards më vonë pranoi se statusi i tyre aktual familjar është “disi i çuditshëm”, pasi asnjëri prej tyre nuk ka paraqitur kërkesë për divorc.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dita Botërore e Qenit: nga Isaac Newton tek Audrey Hepburn, shtatë histori të njerëzve të famshëm dhe miqve të tyre me katër këmbë
-
Australianët fitojnë ‘të drejtën të shkëputen’ pas orarit të punës
-
Si e kaloi princesha Diana ditëlindjen e saj të fundit?
-
“Fiket ëndrra për të pasur shtëpinë tonë”, rrëfimi për BBC i mësimdhënësit nga Kosova që po e braktisë Britaninë e Madhe