Justin Timberlake planifikon të sqarohet publikisht rreth Britney Spears-it në një intervistë me Oprah Winfrey
![](https://albanianpost.com/wp-content/uploads/2024/02/Pamja-e-ekranit-2024-02-06-115630.jpg)
Këngëtari amerikan, Justin Timberlake po mendon të bëjë një intervistë sqaruese me Oprah Winfrey pas thumbimeve publike mes tij dhe ish të dashurës së vet, artistes Britney Spears.
Ish-anëtari i “*NSYNC”, u akuzua për tallje me këngëtaren e hitit “Toxic”, javën e kaluar në koncertin e tij të ditëlindjes, kur ai tha se nuk kishte kujt t’i kërkonte falje para se të dilte në këngën e tij “Cry Me a River”, që thuhet se kishte të bënte me Britney-n dhe tradhtinë që ajo i kishte bërë kur ishin bashkë.
Një burim ka zbuluar tanimë për The Sun se si ai dëshiron të përdorë një bisedë me Oprah, për të adresuar publikisht pasojat e grindjes së tij të re me këngëtaren, transmeton AlbanianPost.
![](https://albanianpost.com/wp-content/uploads/2024/02/Pamja-e-ekranit-2024-02-06-115838-1024x535.jpg)
“Justin nuk është vërtet i lumtur se si gjërat kanë shkuar. Ai donte që muzika të fliste vetë, por kjo nuk po ndodh qartë. Komentet e tij në skenë vetëm sa i kanë shtuar benzinë zjarrit. Ideja e një bisede ulur me dikë si Oprah Winfrey u shfaq muaj më parë dhe tani është kthyer në listën e alternativave”, tha burimi i brendshëm.
“Ai me të vërtetë nuk dëshiron ta bëjë këtë, por sa më e fortë të bëhet reagimi, aq më shumë mendon se mund t’i duhet”, shtoi burimi.
Justin pushtoi titujt mediatikë në vitin 2023 pasi Britney zbuloi në librin e kujtimeve të saj “The Woman in Me” se ajo kishte një abort ndërsa ata ishin në lidhje pasi ai “nuk donte të bëhej baba” dhe “nuk ishte e lumtur”.
Justin u tha fansave në koncertin e tij “One Night Only” në New York City më 31 janar, të mbajtur në ditëlindjen e tij të 42-të: “Do të doja të shfrytëzoj këtë rast për t’i kërkuar falje absolutisht askujt”.
![](https://albanianpost.com/wp-content/uploads/2024/02/Pamja-e-ekranit-2024-02-06-120103-1024x508.jpg)
Britney, e cila ishte në lidhje me Justinin nga viti 1999 deri në vitin 2002, kishte thënë para koncertit të ditëlindjes së Justinit se donte t’i kërkonte falje kujtdo që e kishte lënë “të ofenduar” nga autobiografia e saj, duke thënë në një mesazh të fshirë në Instagram: “Më vjen shumë keq”.
Më pas ajo iu drejtua Justinit, duke shtuar: “Doja të thoja gjithashtu se jam e dashuruar me këngën e re të Justin Timberlake, ‘Selfish’”.
Spears tha në kujtimet e saj se e kishte tradhtuar Justinin”një herë” me balerinin dhe koreografin Wade Robson.
Britney Spears pranon se ka pasur abort me kërkesë të Justin Timberlake
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com