Këngëtarja e muzikës pop, Britney Spears vijon të mbetet ndër emrat më të përfolur në prag të botimit të librit të saj “The Woman In Me”.

Madje, Spears brenda librit ka zbuluar se ajo kishte një abort gjatë marrëdhënies së saj me këngëtarin, Justin Timberlake.

Në librin që do të publikohet më 24 tetor, ajo shkruan se shtatzënia e saj ishte “një surprizë”, por jo “një tragjedi”.

“E doja shumë Justinin. Gjithmonë kam pritur që një ditë të kemi një familje së bashku. Kjo do të ishte shumë më herët se sa e kisha parashikuar”, shkruan ajo në një fragment të publikuar nga People Tuesday, transmeton AlbanianPost.

“Por Justin definitivisht nuk ishte i lumtur për shtatzëninë. Ai tha se ne nuk ishim gati të kishim një fëmijë në jetën tonë, se ishim shumë të rinj”, vazhdon Spears.

“Jam e sigurt se njerëzit do të më urrejnë për këtë, por unë rashë dakord të mos bëja fëmijën. Nuk e di nëse ky ishte vendimi i duhur. Nëse do të ishte lënë vetëm në dorën time, nuk do ta kisha bërë kurrë. E megjithatë Justin ishte aq i sigurt sa nuk donte të bëhej baba”, shtoi ajo.

Dyshja thuhet se e ndërprenë shtatzëninë në fund të vitit 2000 kur këngëtarja e “Baby One More Time” ishte 18 ose 19 vjeçe.

Ajo shkruan se procedura ishte “një nga gjërat më të dhimbshme” që ajo ka përjetuar ndonjëherë.

Përpara publikimit të librit, burimet zbuluan se Justin ishte “i shqetësuar” për atë që Spears, do të ndante nga marrëdhënia e tyre.

Dyshja filluan të takoheshin në vitin 1999 kur ishin adoleshentë.

Pas ndarjes së tyre në vitin 2002, Timberlake la të kuptohej në mënyrë famëkeqe gjatë një interviste me Barbara Walters se Spears e kishte mashtruar atë, gjë që këngëtarja e “Toxic” , nuk e konfirmoi dhe as e mohoi në atë kohë.

Dokumentari i nominuar për “Emmy 2021” i New York Times “Framing Britney Spears” shqyrtoi me imtësi akuzat duke vënë nën një mikroskop trajtimin e mediave ndaj superyllit të muzikës, duke e shtyrë Timberlake t’i kërkonte një falje të vonuar asaj.

“Dua të marr përgjegjësinë për gabimet e mia në të gjithë këtë, si dhe të jem pjesë e një bote që ngre dhe mbështet”, shkroi ai pjesërisht në Instagram.

“Unë kujdesem thellësisht për mirëqenien e njerëzve që dua dhe kam dashur. Mund të bëj më mirë dhe do të bëj më mirë”, pati shtuar ai.

Spears – e cila ndan djemtë Sean Preston, 18 vjeç dhe Jayden James, 17 vjeç, me ish-bashkëshortin e saj Kevin Federline – aktualisht po kalon një divorc nga Sam Asghari.

Ndërkaq, këngëtari i “Mirrors”, nga ana e tij, është i martuar me Jessica Biel, me të cilën ka djemtë Silas, 8 vjeç dhe Phineas, 3.

Britney Spears pranon se ka pasur abort me kërkesë të Justin Timberlake