Ndonëse Kosova është në pritje të vendimit të Kongresit Amerikan për miratimin apo jo të kërkesës së saj për blerjen e raketave anti-tank “Javelin”, janë shtuar zërat se Ballkani Perëndimor mund të jetë “viktima” e radhës e një konflikti ndër-rajonal.
Ndërsa Kosova gjendet në një moment të rëndësishëm të shtet-ndërtimit, njohësit e dinamikave politike në Ballkan përveç optimizmit të shprehur për vendimin e Shteteve të Bashkuara të Amerikës për pranimin e kërkesës së Qeverisë së Kosovës për blerjen e raketave anti-tank, ngrenë pikëpyetje të shumta për planet destabilizuese të Rusisë në rajon.
Është pikërisht politologu nga Bosnja e Hercegovina, Jasmin Mujanoviç, i cili beson se vendimi i SHBA-ve për armatimin e Kosovës me anti-tanke është “njëra nga gjërat më pozitive që ka ndodhur në rajon për një kohë shumë të gjatë”.
Një Kosovë e fortë dhe e qëndrueshme, vlerëson Mujanoviç, do të ketë një impakt shumë pozitivë për të gjithë Ballkanin Perëndimor, marrë parasysh qasjen konfliktuale të Serbisë, e ilustruar së fundmi me sulmin terrorist të 24 shtatorit në Banjë të Zveçanit.
“Kur Aleksander Vulin ose Aleksandër Vuçiç flasin për botën serbe, i gjithë rajoni duhet të shqetësohet, jo vetëm Kosova, sepse është kërcënim për të gjithë”, potencon ai në një panel diskutimi.
My sincere thanks to @NewlinesInst for hosting @tanyadomi, @HarunKarcic & myself in conversation w/ @AzeemIbrahim today re: the trajectory of the W. Balkans in 2024 & beyond. A sorely needed deep dive on the region in DC. https://t.co/1KZACd62H9
— Jasmin Mujanović (@JasminMuj) January 19, 2024
Kosova duhet të jetë e fortë dhe e qëndrueshme meqë ekspertja amerikane e sigurisë, Ivana Stradner, është e bindur se nëse Rusia nuk ndalohet atëherë Ballkani do të jetë “fronti i dytë i Rusisë në Evropë”.
“Unë kam paralajmëruar për potencialitetin e një lufte në Ballkan për një kohë të gjatë”, ka shkruar ajo në platformën sociale, X.
Reagimi i Stradner ka ardhur pasi presidenti amerikan, Joseph Biden, ka alarmuar se anulimi i mundshëm i ndihmës financiare për Ukrainën mund të shpije në fitore të shpejtë të Rusisë e madje edhe krizë të re në Ballkan.
I’ve been warning about a war in the Balkans for a long time and FINALLY 🇺🇸 has opened its eyes.
Unless we stop Russia, the Balkans is next.
Russia’s Second Front in Europe ⤵️https://t.co/XMBEcvGCMP https://t.co/9FMXCGsrH7
— Ivana Stradner (@ivanastradner) January 19, 2024
Në anën tjetër për hulumtuesin e lartë në Qendrën për Analizën e Politikave Evropiane (CEPA) me seli në Uashington D.C., Leon Hartwell, pranimi i kërkesës së Qeverisë së Kosovës nga ana e SHBA-ve për shitjen e raketave anti-tank, Javelin, është tregues i një reagimi të fortë ndaj të gjitha provokimeve të mundshme nga regjimi i presidentit të Serbisë, Aleksandër Vuçiç.
Kjo lëvizje të cilën Hartwell e cilëson si “strategjike” nënvizon përkushtimin e SHBA-ve për forcimin e pozitës mbrojtëse të Kosovës.
“Njoftimi i shitjes së raketave shërben si një tregues i pagabueshëm se Amerika është e gatshme të forcojë aftësitë mbrojtëse afatgjatë të Kosovës, si dhe aftësinë për ta mbrojtur sovraniteti dhe integriteti territorial”, ka thënë ai në një intervistë për Zërin e Amerikës edicioni në gjuhën serbe.
SHBA-ja njoftoi më 11 janar se ka pranuar kërkesën e Kosovës për blerjen e 246 sistemeve kundërajrore Javelin, që prodhohen në SHBA.
Departamenti amerikan i Shtetit në anën tjetër potencoi se blerja e tyre do t’i kushtojë Kosovës 75 milionë dollarë.
Ndërsa kjo çështje është dërguar në Kongresin amerikan për miratim presidentja e Kosovës, Vjosa Osmani, potencoi se beson që kërkesa për blerjen e këtyre armëve do të miratohet.
Ndërkaq, Vuçiç cilësoi lajmin si “zhgënjim të madh”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Kurti për doganierin e EULEX-it të vrarë në Veri: U qëllua me gjakftohtësi
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi