Kryetari i Lidhjes Demokratike të Kosovës, Lumir Abdixhiku, ka bërë dallimin në mes të Asociacionit të Komunave me Shumicë Serbe i paraparë sipas Marrëveshjes së vitit 2013 dhe 2015 dhe draft-statutit modern evropian të Asociacionit të cilën e ka pranuar Qeveria e Kosovës muaj më parë.
Asociacioni në të kaluarën, sipas deputetit Abdixhiku, ka qenë i dizajnuar për të ofruar shërbim komunave, ndërsa tash Asociacioni ndërtohet për të ofruar shërbim qytetarëve serbë në Kosovë.
“Pra hiqet niveli i pushtetit lokal, vendoset një pushtet i ri, autonom, shtresë e tretë e pushtetit”, tha ai në një intervistë për Klan Kosova.
Ky trup autonom sipas draft-statutit të Asociacionit e ka territorin e vetë, ka potencuar tutje Abdixhiku.
“Dokumenti kufijve të Asociacionit i referohet si kufij administrativë”, shtoi ai.
Me këtë draft-statut, sipas Abdixhikut, Asociacioni do ta ketë edhe buxhetin e veçantë publikë.
“S’do të ketë para në thesare, pra do të ketë një llogari të veçantë”.
Abdixhiku ndër të tjera ka potencuar se Asociacioni me këtë draf-statut parashihet të ketë qendër administrative, e jo seli.
“Mitrovica e Veriut nuk do të jetë seli e Asociacionit, por qendër administrative”.
Kryetari i LDK më tutje ka shtuar se kryeministri Kurti ka pranuar autonomi të plotë e të paparë në Republikën e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Diplomacia e Kosovës në Amerikën Latine përballë përplasjes me Perëndimin
-
Gazetarja serbe: Vuçiç s’e thotë të vërtetën – Kosova është shtet i pavarur
-
Kurti për doganierin e EULEX-it të vrarë në Veri: U qëllua me gjakftohtësi
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar