![](https://albanianpost.com/wp-content/uploads/2022/05/andrej_plenkovic.jpg)
Kryeministri i Kroacisë, Andrej Plenkoviç, ka reaguar pas çarjeve të ndodhura në raportet diplomatike në mes të Kroacisë dhe Serbisë.
Serbia shpalli persona “non-grata” një diplomatë kroat, me të njëjtën monedhë ia ktheu edhe Kroacia.
E sipas Plenkoviç-it dëbimi i diplomatit serb nga Kroacia ishte “zbatim i parimit të reciprocitetit”.
I pari i ekzekutivit kroat, ndër të tjera, ka theksuar se Serbia nuk ka dhënë asnjë shpjegim zyrtar për dëbimin e sekretarit të Parë të Ambasadës kroate në Serbi, Hrvoje Shnajder.
“Pavarësisht atmosferës parazgjedhore në Serbi, ne besojmë se lëvizje të tilla nuk kontribuojnë në ndërtimin e besimit apo bashkëpunimit mes dy shteteve dhe prandaj ne reaguam ndaj veprimit të ndërmarrë nga Serbia”, ka thënë Plenkoviç.
Të martën, Ministria për Punë të Jashtme dhe Çështje Evropiane, e shpalli Petar Novakoviç-in, këshilltar në Ambasadën serbe në Beograd, person të padëshiruar.
Ky vendim u mor si masë reciproke ndaj vendimit të Serbisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com