U plagos pasi ndërhyri për shuarjen e një konflikti, në gjendje kritike një polic 28-vjeçar
![](https://albanianpost.com/wp-content/uploads/2023/08/640-0-1692169506xacdaca-357.png)
Një efektiv i Policisë, i cili ka ndërhyrë në një konflikt në Himarë për shuarjen e tij, është plagosur rëndë dhe gjendet në situatë kritike për jetën.
Prej orësh ai ndodhet në sallën e operacionit dhe kolegët e tij policë, i janë gjendur pranë duke dhuruar gjak.
Efektivi 28-vjeçar, R.C., është goditur në qafë me një mjet prerës (thikë) kur ka ndërhyrë për shuarjen e konfliktit dhe ka marrë një plagë të rëndë.
Ndaj, ai ndodhet në gjendje kritike për jetën.
Teksa, Policia ka ndërmarrë një aksion për arrestimin e autorit, i cili duke parë orët e vona dhe mungesën e dritës në zonë, ka arritur të arratiset nga vendi i ngjarjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com