![](https://albanianpost.com/wp-content/uploads/2022/09/Pamja-e-ekranit-2022-09-05-094118.png)
Roma u deklasua nga Udinese me rezultat 4:0, në ndeshjen e vlefshme të javës së pestë në Serie A.
Si gjithmonë, trajneri i kryeqytetasve, Jose Mourinho, ka lëshuar një deklaratë interesante pas ndeshjes.
“Më mirë preferoj të humbas një ndeshje me rezultat 4:0 sesa katër ndeshje me nga 1:0. Në fund të fundit kemi humbur tre pikë dhe jo 12”, tha Mourinho pas ndeshjes.
“Është e vështirë për ekipin dhe tifozët të pranohet kjo humbje, por kjo është jeta. Ne kemi një tjetër lojë interesante të enjten dhe duhet për përgatitemi për të”, shtoi trajneri portugez.
“The special one” foli më tej duke komentuar ndeshjen e mbrëmshme dhe pati disa fjalë edhe për kundërshtarët.
“Ishte lojë e vështirë, një kundërshtar iu vështirë që di të luajë këtë lloj loje. Nuk mund të shkosh prapa në këto ndeshje, përndryshe ata mbrohen mirë, kundërsulmojnë mirë, bëjnë faull taktik dhe kanë një ritëm të mirë të lojës”, shtoi Morinho.
“Edhe ne patëm disa raste të mira, një ishte me Dybala-n, që mendoj se pavarësisht rezultatit, ai ishte lojtari më i mirë në fushë”, deklaroi portugezi.
“Patëm një mundësi dhe një penallti të që mund të ishte dhënë për në, e që gjithsesi ishte pozitë jashtë lojë. Por kur humbet 4:0, nuk mund të flasësh për gjyqtarin. Ky nuk është rregulli im”, tha mes tjerash Mourinho.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com