Von Cramon takohet me përfaqësues të “Europa Nostra”, kërkon përmirësim në mbrojtjen e Manastirit të Deçanit

Raportuesja për Kosovën në Parlamentin Evropian, Viola von Cramon është takuar me përfaqësues të organizatës “Europa Nostra”, të cilët disa ditë më parë e kishin konsideruar të rrezikuar Manastirin e Deçanit.

Von Cramon përmes një cicërime në rrjetin social ‘Twitter’, ka bërë të ditur se ka pasur një takim të hapur dhe produktiv me përfaqësues të “Europa Nostra” lidhur me mbrojtjen e trashëgimisë kulturore.

“Takimi i hapur dhe produktiv me organizatën Europa Nostra për nevojën për të përmirësuar mbrojtjen e trashëgimisë kulturore të rrezikuar në të gjithë Evropën, me fokus të veçantë në Manastirin e Deçanit dhe trashëgiminë kulturore të shkatërruar në Ukrainë”, shkruan von Cramon.

Open and productive meeting with the SecGen of @europanostra about the need to improve the protection of endangered #CulturalHeritage throughout #Europe, with the particular focus on @DecaniMonastery and destroyed cultural heritage in Ukraine 🇺🇦. pic.twitter.com/3jWJ0hroiq

— Viola von Cramon 🇺🇦🇪🇺 (@ViolavonCramon) July 14, 2022

Për këtë takim kanë shkruar edhe nga organizata “Europa Nostra”.

“Shumë faleminderit eurodeputetes Viola von Cramon për interesin dhe mbështetjen për ruajtjen e trashëgimisë së rrezikuar në Evropë në tërësi, duke përfshirë Ballkanin Perëndimor dhe Ukrainën”.

Many thanks to @Europarl_EN & MEP @ViolavonCramon for their interest and support for saving endangered heritage in Europe as a whole, including #WesternBalkans & #Ukraine.
We cannot build a shared future without proper understanding and care for our shared heritage and history. https://t.co/IfkdotKXm9

— Europa Nostra (@europanostra) July 14, 2022

“Ne nuk mund të ndërtojmë një të ardhme të përbashkët pa mirëkuptimin dhe kujdesin e duhur për trashëgiminë dhe historinë tonë të përbashkët”, ka shkruar kjo organizatë.

Gjatë këtij muaji në Kosovë kanë qëndruar për vizitë përfaqësuesit e Shoqatës “Europa Nostra” të cilët janë takuar me komandantin e KFOR-it në Kosovë, Ferenc Kajari, por edhe ministrin e Infrastrukturës, Liburn Aliu dhe atë të Kulturës, Hajrullah Çekun.

Aliu ka thënë të premten se “përfshirja e Manastirit të Deçanit në listën e 7 lokaliteteve më të rrezikuara në Evropë nuk është e drejtë”, sipas tij “pasi që nuk është e bazuar në argumente profesionale dhe nuk reflekton pasqyrën reale të Manastirit”.

“Europa Nostra” e ka futur Manastirin e Deçanit në mesin e shtatëve monumenteve më të rrezikuara të trashëgimisë.

Në vitin 2008, Kuvendi i Kosovës miratoi Ligjin për zona të veçanta të Mbrojtura, i cili duhet të sigurojë mbrojtjen e manastireve ortodokse serbe, kishave, vendeve të tjera fetare, si dhe vendeve historike dhe kulturore të një rëndësie të veçantë për komunitetin serb si dhe për komunitetet tjera në Republikën e Kosovës. Manastiri i Deçanit është njëra nga zonat e mbrojtura, sipas këtij ligji.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.