Gazeta e njohur zvicerane “Blick” ka shkruar një artikull lidhur me kryetarin e Federatës së Futbollit të Kosovës, Agim Ademin, lidhur me problemet që rrodhën së fundmi, të cilat sollën edhe arrestimin e tij.
“Para ndeshjes që Kosova e luan kundër Zvicrës sot në ora 18:00 në stadiumin ‘Letzigrund’ të Zurich-ut, në futbollin kosovar po zhvillohet një luftë e madhe për pushtet”.
Kështu e nis “Blick” artikullin që iu kushtua të parit të FFK-së, Agim Ademit.
“Dy javë më parë mediat në Kosovë raportuan që Ademi u arrestua pas një sulmi fizik ndaj një punonjësi të FFK-së”, vazhdon gazeta zvicerane duke shkruar për FFK-në.
Gazeta e njohur zvicerane, më pas ndau një deklaratë të Ademit para ndeshjes që do të luhet këtë të marte në Cyrih të Zvicrës.
“Ne i detyrohemi shumë Zvicrës. Jo vetëm sportistët. Prandaj jemi shumë të kënaqur që është arritur të aranzhohet miqësorja. Do të jetë një festë për të gjithë të përfshirët”, citohet të ketë thënë Ademi për “Blick”.
Kujtojmë që miqësorja mes Zvicrës dhe Kosovës do të jetë një ndeshje e veçantë, duke pasur parasysh që shumë shqiptarë do të jenë të pranishëm në stadium, si dhe për Zvicrën luajnë kosovarët: Shaqiri, Xhaka dhe Zeqiri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi