![](https://albanianpost.com/wp-content/uploads/2022/03/161394_dmitrij-peskov_f.jpg)
Bisedimet me Kievit dhe Moskës nuk janë në nivelet e pritura dhe armëpushim përgjatë negociatave, nuk do të ketë.
Këto janë qëndrimet kryesore të thëna nga zëdhënësi për shtyp i Kremlinit, Dmitri Peskov, i cili ka folur virtualisht me gazetarët në një konferencë online.
Sipas Peskov, nuk ka ndonjë zhvillim thelbësor në bisedimet mes dy vendeve të ulura në tryezë.
Kryesisht, këtë fakt, ai e lidh me mungesën e vullnetit të Kievit, për të ardhur në bisedime me vullnetin e duhur.
Ndër të tjera, ai ka thënë edhe se në mënyrë që Vladimir Putin dhe Volodymyr Zelensky të takohen, duhet fillimisht të arrihen marrëveshje thelbësore nga bisedimet e delegacioneve.
“Moska ka treguar më shumë vullnet se sa Ukraina për të punuar drejt një marrëveshjeje”, theksoi Peskov.
Ndërsa, një thirrje, shkoi edhe për vendet perëndimore, të cilave u kërkoi të influencojnë mbi Kievin, në mënyrë që të jetë më me “këmbë në tokë” gjatë negociatave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com