“Australia do t’i përmbahet strategjisë së saj të bllokimit të vendit kundër coronavirusit, derisa të paktën 70% e popullsisë së saj të jetë plotësisht e vaksinuar. Por, pas kësaj, do të duhet të fillojë të jetojë me virusin”.
Kështu është shprehur të dielën e 22 gushtit kryeministri Scott Morrison.
Në vend u shënua një rekord me 914 infeksione, shifra më e lartë ditore, pasi shtetet jugore dhe lindore, si: New South Wales, Victoria dhe kryeqyteti mbeten nën një bllokim të rreptë.
Vendosja e karantinës për këto vende është një element kyç i strategjisë së qeverisë federale për të frenuar shpërthimet, derisa të arrihet niveli prej 70% i vaksinimeve, me kufijtë që do hapen gradualisht kur shifra të shkojë në 80%.
Morrison bëri me dije se është e pamundur që Australia të arrijë zero raste.
“Bllokimet nuk janë një mënyrë e qëndrueshme për t’u marrë me virusin. Kjo është arsyeja pse ne duhet të arrijmë në notat 70% dhe 80%, kështu që mund të fillojmë të jetojmë me virusin”, shtoi ai.
Rreth 60% e popullsisë prej 25 milionësh tani është karantinuar.
Policia në shtetin më të populluar, në New South Wales njoftoi se ka vendosur 940 gjoba në 24 orët e fundit për shkelje të urdhrave të shëndetit publik, ndërsa media tha se disa qindra njerëz u mblodhën
Protestuesit kundër bllokimit u përplasën dhunshëm me policinë, ndërsa mijëra njerëz marshuan nëpër rrugët e Melbourne të shtunën e 21 gushtit.
Policia e Viktorias tha se kishte bërë 218 arrestime dhe se gjashtë oficerë u shtruan në spital nga lëndimet në përleshje.
Policia tha në një deklaratë se shumica e rreth 4 mijë demonstruesve “erdhën me dhunën në mendje”.
Pamjet e postuara në mediat sociale treguan protestues që brohorisnin, hidhnin objekte ndaj oficerëve të policisë dhe lëshonin flakët.
Marrë nga Reuters, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Amerika e mban Ukrainën duke luftuar me duart e lidhura
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel