Presidenti i Ligës Kombëtare të Futbollit Profesionist në Spanjë, Javier Tebas, foli në konferencë për shtyp në Asamblenë e Përgjithshme të Klubeve që çoi në miratimin e marrëveshjes mes ligës dhe CVC Capital Partners.
Nga kjo marrëveshje do të përfitojnë para hua 38 klube nga La Liga dhe La Liga 2, ndërsa Real Madrid-i, Barcelona dhe Athletic Bilbao kanë mbetur jashtë saj, pasi nuk pranuan kushtet e kontratës.
Tebas, u pyet nga gazetarët në lidhje me mos pranimin e dy gjigandëve spanjollë Real dhe Barcelona për të qenë pjesë e marrëveshjes me CVC dhe ai u përgjigj se “padyshim, pozicioni i Real Madrid-it dhe Barcelona-s ka të bëjë me Superligën”.
“Është e qartë se, veçanërisht për Real Madrid-in, ky injeksion i burimeve për klubet, për t’i bërë sa më konkuruese, për të përmirësuar strukturat e tyre dhe për të çuar në një ligë më të fortë, nuk favorizon modelin e Superligës që Florentino (Perez) dëshiron të krijojë”, shtoi Tebas-i.
“Kjo ndodh sepse ne do të rritemi në tregun e të drejtave audiovizive dhe (Perez) do të ketë shumë më pak treg”.
“Është një problem kulturor, ata besojnë se klubet e mëdha janë ato që duhet të komandojnë gjithçka. Dhe jo vetëm për të komanduar, ata duan të luajnë vetëm me njëri-tjetrin”, përfundoi kreu i Ligës Kombëtare të Futbollit Profesionist spanjoll.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel