Janë arrestuar 18 persona, pjesë e një grupi kriminal të organizuar, të cilët dyshohet se kanë transportuar mbi 400 shqiptarë ilegalisht drejt SHBA-ve dhe Britanisë së Madhe.
Arrestimi ka ndodhur pas një aksioni policor në Tarragona të Spanjës.
Hetimi lidhet direkt edhe me arrestimet e 9 qershorit, ku po në Spanjë, u shkatërrua një grup kriminal i drogës, i cili ishte i lidhur me mafian italiane.
Operacioni ka qenë në bashkëveprim me disa autoritete evropiane policore. Këtu përfshihen edhe Shqipëria, Kosova, Italia, Franca, Britania dhe Portugalia. Forca policore të SHBA-ve ishin po ashtu pjesë e operacionit.
Hetimi fillestar nisi në vitin 2019. Vëmendja kryesore ishte në çështjet e falsifikimit të dokumenteve nga emigrantët prej Ballkanit Perëndimor.
Në një fazë fillestare, një grupim më i vogël, u asgjësua. Skema ishte e tillë, që të kaloheshin emigrantë ilegalisht nga ishulli i Saint Maarten drejt SHBA-ve, me dokumente të falsifikuara.
Nën arrest janë vënë edhe korrierët, të cilët shpërndanin dokumentet false. Në tërësi ndërkohë, 46 persona janë arrestuar në faza të ndryshme të hetimit.
Baza e grupimit, ishte në Britani dhe Irlandë. Gjithçka kryhej nëpërmjet linjave të ndryshme ajrore.
Disa aeroporte ishin të përzgjedhur për kryerjen e kalimeve ilegale të këtyre shtetasve.
Koordinimi i gjithë hetimit erdhi nga Europol-i.
Vetëm muajin e fundit, kanë qenë 219 shqiptarë, të cilët e kanë thyer kohëzgjatjen e lejes tre-mujore të qëndrimit në vendet e BE-së. Këtë fakt e bën me dije vetë portali informativ i zonës Schengen.
Vetëm nga Franca, në mars 2021, 44 shqiptarë u kthyen në Shqipëri pas thyerjes së leje qëndrimit. Vendi me akumulim më të madh emigrantësh ndërkaq, mbetet Gjermania.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Anëtarësimi në SEPA, Sejko: Po punojmë me ekspertët e Bankës Botërore
-
Ndryshime në kabinetin Rama, emërohen disa zv.ministra të rinj
-
Edhe Osmani ngushëllon familjen e Gerti Bogdanit: E mbështeti Kosovën me përkushtim dhe pasion
-
Abdixhiku telegram ngushëllimi familjes së Gerti Bogdanit: Humbje e madhe për shqiptarët
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi