Kosovë: Një i vdekur dhe një i plagosur në Mitrovicë

Në orët e para të së shtunës në Mitrovicën Jugore përkatësisht në rrugën ‘Evlia Qelebia’ pas të shtënave me armë zjarri, të plagosur kanë mbet dy persona.

Njëri nga të plagosurit nuk ka arritur t’i përballoj plagëve dhe si pasoj ka vdekur në orët e hershme të mëngjesit në Qendren Klinike Universitare të Kosovës në Prishtinë.

Sipas njoftimit për media të Policisë së Kosovës ngjarja ka ndodhur “Me datën 10 korrik 2021, në ora 00:20, policia në Mitrovicën e Jugut, ka pranuar informatën për të shtëna me arme zjarri në rrugën ‘Evlia Qelebia’. Me të pranuar informatën, në vendin e ngjarjes me urgjencë kanë dalë të gjitha njësitet e nevojshme policore”.

Të plagosurit me urgjencë janë dërguar në Spitalin e qytetit për tu transferuar pastaj në Prishtinë.

“Nga informatat e para nga vendi i ngjarjes është kuptuar se si pasojë e të shtënave me armë zjarri, dy persona ishin plagosur të cilët me urgjencë janë dërguar në Spitalin Rajonal në Mitrovicë, më pas janë dërguar në QKUK- Prishtinë”.

Sipas Policisë viktima është D.S. (49 vjeçarë).

“Ndërsa rreth orës 02:00, nga autoritetet spitalore është raportuar se njëri nga të plagosurit, viktima D. S., 49 vjeçar, si pasojë e plagëve ka vdekur, ndërsa i plagosuri tjetër viktima J. S., 52 vjeçar, mbetet në tretman të mëtejmë mjekësor”.

Në vendin e ngjarjes hetuesit policor kanë gjetur vetëm mbetje të predhave të armës.

“Pas ekzaminimeve të kryera në vendin e ngjarjes, hetuesit e krim-teknikës si prova materiale kanë gjetur katër (4) gëzhoja dhe një predhë të plumbit si dëshmi materiale që ndërlidhen me rastin”.

Policia ka shpall në kërkim dy persona të dyshuar për rastin.

“Nga hetimet e deritanishme dhe dyshimet e ngritura, dy persona të dyshuar janë  në kërkim policor identiteti i të cilëve tashmë është i njohur për policinë”.

Në njoftim të policisë thuhet se “rrjedha hetimore është duke vazhduar në drejtim të arrestimit të personave të dyshuar si dhe zbardhjes së të gjitha rrethanave që ndërlidhen me rastin e veprës penale ’’vrasje e rëndë’’. Trupi i pajetë i viktimës është dërguar për obduksion në IML”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.