Të paktën tetë persona kanë humbur jetën, pasi uragani Grace përshkoi Meksikën Lindore, duke sjellë shi të rrëmbyeshëm dhe erëra të forta.
Gjithashtu shkaktoi ndërprerje të energjisë dhe përmbytje.
Numri më i lartë i vdekjeve dhe dëmet më të mëdha u shkaktuan në shtetin Veracruz, ku stuhia shkuli pemët.
Në kryeqytetin e shtetit, Xalapa, shumë rrugë “u kthyen” në lumenj balte. Më vonë uragani u dobësua në një stuhi tropikale, ndërsa lëvizte në brendësi.
Sidoqoftë, erërat e forta dhe reshjet po shkaktonin më shumë përmbytje, ndërsa Grace lëvizte në veri të Meksikës.
Shpejtësia e erës shkoi deri në 200 km/orë (125mph) në bregdet.
Sipas zyrtarëve të qeverisë lokale, “nga tetë personat e vrarë, gjashtë ishin anëtarë të së njëjtës familje”.
Banorët e qytetit bregdetar të Tecolutla-s, në shtetin Veracruz e cilësuan uraganin si shkatërrues.
Marrë nga BBC, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi
