Shqipëria

6 humbje jete nga Covid-19/ Rastet e reja paraqiten të ulëta


Gjatë 24 orëve të fundit, gjashtë persona kanë humbur betejën me coronavirus-in dhe kanë rezultuar pozitivë 317 qytetarë në Shqipëri.

Java e fundit ka pasur një ulje të ndjeshme të rasteve të reja me Covid-19.

Aktualisht në spitalet COVID, në Tiranë dhe në spitalet rajonale Shkodër, Durrës, Elbasan, janë duke u trajtuar 247 pacientë. 16 prej tyre ndodhen në terapi intensive, nga të cilët gjashtë janë të intubuar.

Janë kryer 3 mijë 24 testime dhe janë shëruar 529 qytetarë.

Procesi i fushatës së vaksinimit vazhdon intensivisht. Ka nisur vaksinimi masiv, për gjithë popullatën.

Në fundjavë ka nisur dhe vaksinimi i gazetarëve dhe policëve.

Më 7 prill, u mblodh sërish Komiteti i Ekspertëve, ku vendosi të zgjasë me dy javë masat shtrënguese në kuadër të pandemisë. Orari i kufizimeve nuk ndryshon. Po ashtu, edhe rregullat për grumbullimet.

Ministria gjithashtu ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID-19.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore