Klasikja evropiane, mes Italisë dhe Spanjës, që do të zhvillohet në stadiumin “Wembley” të Londrës, do të ndiqet nga 54 mijë tifozë nga afër.
Autoritetet britanike, kishin vendosur më herët që kapaciteti i ulëseve në “Wembley” të shfrytëzohet 75 për qind.
Mirëpo për shkak të kufizimeve në udhëtim për masat Covid-19, këtë ndeshje pritet ta shikojnë nga afër jo më shumë se 11 mijë tifozë italianë dhe rreth nëntë mijë spanjollë, kurse pjesa tjetër do të jenë neutral.
Derisa autoritetet britanike kanë bërë të ditur, se hyrja në stadium do të lejohet vetëm për ata persona që dëshmojnë një test negativ me coronavirus gjatë 48 orëve të fundit, apo një dëshmi vaksinimi.
Kujtojmë që kjo ndeshje zë vendin e dytë për nga tifozët e pranishëm në stadium, në këtë Kampionat Evropian, pas ndeshjeve në “Puskas Arena” të Budapestit.
Gjysmëfinalja mes Italisë dhe Spanjës do të zhvillohet këtë të martë me fillim nga ora 21:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
