Hacker-at në Korenë e Veriut vodhën pothuajse 400 milionë dollarë (291 milionë paund) asete digjitale, në të paktën shtatë sulme në platformat e kriptomonedhave në vitin 2021.
Këto janë përfundimet e nxjerra në një raport të kompanisë analitike, Blockchain Chainalysis.
Sipas raportit, ky ishte një nga vitet më të suksesshme të regjistruara për kriminelët kibernetikë në shtetin e izoluar të Azisë Lindore.
Sulmet kishin në shënjestër kryesisht firmat e investimeve dhe shkëmbimet e centralizuara.
Koreja e Veriut ka mohuar vazhdimisht të jetë përfshirë në sulme të tilla, që u atribuohen hacker-ve.
“Nga viti 2020 deri në vitin 2021, numri i hackera-ve të lidhura me Korenë e Veriut u rrit nga katër në shtatë dhe, po ashtu, vlera e nxjerrë nga këto sulme u rrit me 40%”, tha thuhet në raportin e Chainalysis-it.
Hacker-at përdorën një sërë teknikash, si phishing lures, përdorim i kodit dhe malware, duke u hequr fondet nga kuletat “e nxehta” organizatave dhe i zhvendosur ato në adresat e kontrolluara nga Koreja e Veriut, thuhet në raport.
Kriptomonedhat janë të lidhura me internetin, duke qenë lehtësisht të prekshme ndaj sulmeve kibernetike.
Në fakt, hacker-at qëndrojnë pas vjedhjeve më të mëdha të kriptomonedhës deri më tani.
Shumë ekspertë rekomandojnë lëvizjen e sasive të mëdha të kriptomonedhave, që nuk nevojiten çdo ditë në kuletat “e ftohta”, të cilat janë shkëputur nga interneti më i gjerë.
Chainalysis tha se ka të ngjarë që shumë nga sulmet e vitit të kaluar të jenë kryer nga i ashtuquajturi Grupi Lazarus – grup krimi kibernetik i sanksionuar nga SHBA, i cili besohet se kontrollohet nga byroja kryesore e inteligjencës së Koresë së Veriut, Byroja e Përgjithshme e Zbulimit.
Më parë Grupi Lazarus është akuzuar për përfshirje në sulmet e ransomware “WannaCry”, sulmimin e sistemeve të bankave ndërkombëtare dhe llogarive të klientëve dhe sulmeve kibernetike ndaj Sony Pictures në 2014.
“Pasi Koreja e Veriut fitoi kujdestarinë e fondeve, ata filluan një proces të kujdesshëm pastrimi për të mbuluar dhe për të fituar para”, shtohet në raportin mbi sulmet kibernetike të vitit të kaluar.
Një panel i Kombeve të Bashkuara, që monitoron sanksionet ndaj Koresë së Veriut, ka akuzuar Phenianin për përdorimin e fondeve të vjedhura për të mbështetur programet e tij bërthamore dhe raketore balistike, si një mënyrë për të shmangur sanksionet ndërkombëtare.
Në shkurt të vitit të kaluar, SHBA-ja akuzoi tre programues kompjuterësh koreano-veriorë për një hakmarrje masive që synonte të vidhte më shumë se 1.3 miliardë dollarë para dhe kriptomonedha.
Sulmet kibernetike prekën kompanitë nga bankat deri te studiot e filmit të Hollywood-it, tha Departamenti i Drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Elektroseveri fillon vendosjen e njehësorëve të rrymës në Veri
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE
-
Ministri ukrainas i Bujqësisë arrestohet, në një hetim për korrupsion miliona dollarësh
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Blinken dhe Xi takohen, duan ‘partneritet, jo rivalitet’
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE