33 mijë dollarë për të jetuar në fshatrat “e përgjumur” të Italisë

Keni ëndërruar ndonjëherë të hapni një butik artizanal dhe të vendoseni në një fshat antik të Italisë? Apo të paguheni për punën që bëni. Së shpejti, kjo nuk mund të jetë më vetëm një ëndërr.

Rajoni i Kalabrisë planifikon të ofrojë deri në 28 mijë euro (33 mijë dollarë) në tre vitet e ardhshme, për të gjithë ata që dëshirojnë të zhvendosen në fshatrat e vjetër të Italisë, të cilat kanë vetëm dy mijë banorë.

Ky projekti ka si synim të kthehen sa më shumë njerëz, me shpresën që të shtohet popullsia.

Aplikantët duhet të jenë deri në 40 vjeç. Ata kanë të drejtë të zhvendosen brenda 90 ditëve që nga momenti i aplikimit.

Synimi i projektit po ashtu është që shumë të rinj të tërhiqen dhe njerëz të etur për të punuar.

Rajoni i Molise dhe qyteti Candela, në Puglia, kanë miratuar skema të ngjashme në vitet e kaluara si një alternativë ndaj shitjes së shtëpive të shkatërruara.

Mbi 75% e qyteteve të Kalabrisë, afërsisht 320, aktualisht kanë më pak se 5 mijë banorë, duke çuar në frikën se disa komunitete mund të vdesin plotësisht brenda pak vitesh nëse nuk ndodh rigjenerimi.

“Qëllimi është të rrisim ekonominë lokale dhe t’u japim jetë të re komuniteteve në shkallë të vogël”, shton Gallo.

“Ne duam që kërkesa për punë të plotësojë furnizimin. Kjo është arsyeja pse u kemi kërkuar fshatrave të na tregojnë se çfarë lloji profesionistësh u mungon për të tërhequr punëtorë të veçantë”.

Ndërsa udhëtimet globale rinisin dhe Italia mirëpret turistët e kthyer, vizita në rajon këtë verë mund të jetë një mënyrë e mirë për të marrë një ndjesi të jetës së fshatit.

Këtu keni një përmbledhje të vendeve më piktoreske ku mund të jetoni.

Civita

Në fillim edhe italisht folësit mund të ndihen pak të humbur këtu. Vendasit flasin një dialekt sllav, me tingëllim të çuditshëm. Komuniteti i arbëreshëve u themelua në vitet 1400 nga shqiptarët që ikën nga perandoria turke.

Ky fshat i vogël, me gati 1 mijë banorë, është ajo e Kalabrisë “autentike”.

Samo dhe Precacore

Ju do mund të jetoni në dy fshatra antike në të njëjtën kohë këtu. Samo u themelua nga grekët e lashtë, që kërkonin strehë në kodra, por jo shumë larg bregut, duke e kthyer fshatin në “portin” e tyre.

Koha këtu ndalon. Një mëngjes ku nuhatet aroma e bukës së pjekur, me djathin e prodhuar nga vendasit e këtij fshati.

Aieta

Ky fshat është themeluar nga grekët dhe shtrihet afër plazheve të Maratea dhe Praia a Mare.

Bova

Legjendat thonë se një mbretëreshë armene e ndërtoi këtë fshat në një kodër ku kullotnin lopët.

I njohur si “ballkoni natyror” i rajonit për pamjet magjepsëse të vijës bregdetare, ndodhet në majë të çizmes së Italisë afër Siçilisë, në zemër të “Kalabrisë Greke”, e cila lulëzoi me kolonët nga Greqia e Lashtë.

Pallate fisnike prej guri me portale të hollësishme janë vendosur poshtë rrënojave të një kështjelle Norman.

Caccuri

Kjo kështjellë spektakolare në majë të kodrës, e ndërtuar si një pikë vrojtimi kundër sulmeve të piratëve, mbikëqyr një labirint rrugicash, shtëpi me gurë dhe sheshe me hyrje private.

Përgjatë shekujve, familje të fuqishme feudale sundonin mbi fshat, duke vrarë dhe helmuar njëra-tjetrën.

Albidona

I vendosur në një lartësi prej 850 metrash, por me territor që shtrihet deri në det, ky komunitet gëzon një dru pishe të mbyllur dhe një plazh komod që përmban një kullë Saracen.

Është afër kufirit me Basilicata dhe Puglia, duke e bërë atë një vend ideal për të vizituar të tre rajonet dhe për të marrë maksimumin nga parku kombëtar Pollino dhe bregdeti i ngrohtë me diell.

Me një udhëtim 10-minutësh me makinë, vendasit mund të hipin në tatëpjetë për të notuar ose përpjetë për një seancë çlodhëse të yogës ose udhëtimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.